![](https://albanianpost.com/wp-content/uploads/2023/03/Faton-Klinaku.jpeg)
Si vendim politik e ka cilësuar ushtruesi i detyrës së Kryetarit të Organizatës së Veteranëve të Luftës së Ushtrisë Çlirimtare të Kosovës, Faton Klinaku, dënimin me 18 vjet burgim të ish-eprorit të UÇK-së, Pjetër Shalës, nga ana e Dhomave të Specializuara të Kosovës në Hagë.
Nëpërmjet një postimi në platformën sociale, Facebook, Klinaku, ka potencuar se Gjykata Speciale po dënon luftëtarët e UÇK-së duke u bazuar në dëshmi të shtetit të Serbisë.
“Ushtria Çlirimtare e Kosovës ka luftuar kundër pushtuesit serb dhe për lirinë e popullit. Gjykata Speciale në Hagë në emër të popullit dënon luftëtarët e UÇK-së, por duke u bazuar në dëshmi të pushtuesit serb e me dëshmi të dëshmitarëve të fshehur nga populli. Ashtu sikur në aktgjykimet e kaluara, edhe në rastin e bashkëluftëtarit Pjetër Shala, Gjykata Speciale aktgjykimet i merr politikisht”, ka shkruar ai.
Shala dënohet për krime lufte nga Specialja me 18 vjet burgim
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com