Kevin De Bruyne humbi ndeshjen e Manchester City-t kundër Fulham-it të dielën për shkak të lëndimit, pasi bëri një paraqitje madhështore në mesjavë kundër Arsenalit.
Mesfushori belg shënoi dy herë kundër skuadrës së Mikel Artetës, por ai u detyrua të mungojë fitoren 2-1 të ekipit të tij jashtë Fulhamit.
“[De Bruyne] nuk ndihet mirë”, tha Pep Guardiola për Sky Sports.
“Ai ka disa lëndime dhe nuk mundi të udhëtonte. Nuk e di për sa kohë do të jetë i padisponueshëm”.
De Bruyne u zëvendësua nga Julian Alvarez me 10 minuta para në duelin vendimtar të Man City kundër Arsenal-it. Edhe pse ai nuk po çalonte në rrugën e tij drejt pankinës, Guardiola tha në konferencën për shtyp se lojtari i tij kërkoi të lirohej pasi ndjeu një shqetësim.
Kanë mbetur edhe më shumë se një javë për ndeshjen e parë gjysmëfinale të Ligës së Kampionëve mes Real Madrid-it dhe Manchester City-t.
Ndërkohë, City do të presin Ëest Ham të mërkurën dhe Leeds të shtunën në përpjekjen e tyre për të fituar titullin e tyre të Premier League. Mbetet për t’u parë nëse De Bruyne do të jetë mjaftueshëm i aftë për t’u paraqitur në ndeshjen në Estadio Santiago Bernabeu.