Këtë të mërkurë në Pallatin e Rinisë dhe Sporteve në Prishtinë, do të zhvillohen edhe tri ndeshje në kuadër të Grupit F në FIBA European Challenger U16.
Dardanët e rinj, pas dy fitoreve të mëdha në dy ndeshjet e para, ndaj Maltës me rezultat 117:20 dhe kundër Moldavisë me shifrat 122:42, tani do të kërkojnë fitoren e tretë kundër Gjibraltarit.
Kosova U16 shihet si favorit absolut ndaj Gjibraltarit dhe dy pikët e ardhshme duket se do të vijnë për Kosovën.
Ndeshja do të fillojë në ora 17:00.
Ndeshja tjetër e po të njëjtit grup që do të zhvillohet e para për këtë ditë, është ajo mes Shqipërisë dhe Moldavisë që do të fillojë në ora 14:00.
Shqipëria në këtë takim do të kërkojë fitoren e parë në këtë kampionat, pasi që dy ndeshjet e para i kanë humbur ndaj Gjibraltarit dhe Luksemburgut.
Gjithashtu edhe Moldavia në dy takimet e para ka humbur ndaj Luksemburgut dhe Kosovës.
Ndërsa ndeshja e fundit e ditës së mërkurë, do të zhvillohet në ora 21:00, mes Maltës dhe Luksemburgut.
Malta ka një fitore dhe një humbje, duke humbur ndaj Kosovës dhe mundur Gjibraltarin, kurse Luksemburgu ka dy fitore, përballë Moldavisë dhe Shqipërisë.
Pas dy xhirove të luajtura, Kosova i prin grupit me katër pikë, po aq sa ka edhe Luksemburgu i vendit të dytë, derisa nga tri pikë kanë Malta dhe Gjibraltari, kurse Shqipëria dhe Moldavia renditen të fundit me nga dy pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
