Stil

Dan Bilzerian i jep fund beqarisë


Dan Bilzerian

Personazhi i famshëm i mediave sociale dhe biznesmeni, Dan Bilzerian, i ka shokuar njerëzit me postimin e tij të fundit.

Fenomeni i rrjeteve sociale, ka publikuar një fotografi në Instagram, ku shihet përkrah një vajze duke ecur në altarin e zbukuruar me lule, në rivierën franceze.

Në fotografinë e publikuar, 41 vjeçari shihet me një kostum të zi elegant, ndërsa partnerja e tij ka përzgjedhur një fustan ngjyrë ulliri dhe mban në duar lule të bardha.

“Më në fund e bëra”, shkruhet në mbishkrimin e fotos, e cila lë të kuptohet se ai i ka dhënë fund beqarisë.

Megjithatë ky postim nuk ishte aq bindës për shumicën e ndjekësve të tij.

Teoritë janë aktualisht të shfrenuara dhe komentet variojnë nga ato të zakonshmet “më në fund ke veshur pantallona” deri te ato konspirative “nuk ka mundësi”, “gënjeshtra”.

Kishte edhe të tjerë që u lumturuan me lajmin, “faleminderit zotit, më pak konkurrencë” .

Rikujtojmë se Bilzerian është një lojtar pokeri armeno-amerikan, biznesmen dhe ndikues i mediave sociale, gjithashtu numëron plot 32.9 milion ndjekës në faqen e tij zyrtare në Instagram.

Përveç kësaj, ai ka marrë pjesë edhe nëpër filma me role dytësore si në: “Lone Survivor”, “War Dogs” dhe “The Equalizer”.

 

/Albanianpost.com


Lajmet kryesore