Ashtu edhe siç pritej, Ministrit të Jashtëm të Serbisë, Ivica Daçiç, nuk i ka pëlqyer miratimi i raportit për anëtarësimin e Kosovës në Këshillin e Evropës nga Asambleja Parlamentare e kësaj organizate, duke thënë me nervozizëm se kjo e marte është “ditë e turpit”.
“Sot ishte një ditë turpi në Asamblenë Parlamentare të Këshillit të Evropës, sepse për herë të parë në histori rekomandohej anëtarësimi i diçkaje që nuk është shtet, e cila në të njëjtën kohë nuk i plotëson kushtet elementare në fushën e të drejtat dhe liritë e njeriut”, ka propaganduar Daçiç.
Korrieri më i madh i propagandës serbe, në një deklaratë me shkrim, ka pretenduar se Kosova “ka 11 vjet që refuzon formimin e Asociacionit të Komunave me Shumicë Serbe dhe po zbaton politikën e terrorit kundër popullit serb dhe spastrimit etnik”.
“Me këtë vendim të imponuar nga forca e fuqive ndërkombëtare, ata minuan themelet e Këshillit të Evropës dhe rendin juridik ndërkombëtar”, vazhdoi pretendimet ai.
“Për çfarë parimi të mbrojtjes së integritetit territorial do të vazhdojnë të flasin, kur e cenuan integritetin territorial të Serbisë? Ne do të vazhdojmë luftën me të gjitha forcat, do të luftojmë që ky vendim të mos miratohet në Komitetin e Ministrave më 16 maj”.
Tutje, kryediplomati serb ka potencuar se do të shihet se sa vlen fjala e bashkësisë ndërkombëtare që, sipas tij, i është dhënë presidentit Aleksandër Vuçiç, se Kosova “nuk do të pranohet në Këshillin e Evropës derisa të formohet Unioni i Komunave Serbe”.
Asambleja Parlamentare e Këshillit të Evropës ka votuar pro raportit për anëtarësimin e Kosovës në këtë organizatë.
Për miratimin e raportit të raportueses për Kosovën në KiE, Dora Bakoyannis, kanë qenë 131 vota pro, 29 kundër dhe 11 abstenime.
Para miratimit të raportit, Asambleja Parlamentare e KiE-së, i hodhi poshtë të gjitha amendamentet e propozuara nga Serbia.
Për t’u bërë anëtare e plotë e KiE-së, Kosovës i ka mbetur vetëm edhe një hap: votimi i Këshillit të Ministrave të Jashtëm në muajin maj.
Lidhur me këtë ka reaguar edhe Kryeministri i Kosovës, Albin Kurti, duke thënë se jemi edhe një hap larg anëtarësimit.
“Asambleja Parlamentare i thotë PO Kosovës. Jemi edhe një hap më afër dhe vetëm një hap larg anëtarësimit në Këshillin e Evropës”, ka shkruar Kurti në Facebook.
“Faza e radhës dhe e fundit që na pret është ministeriali në muajin maj. Meqenëse që nga viti 1951, Komiteti i Ministrave nuk ka marrë vendim ndryshe nga Opinioni i Asamblesë Parlamentare të Këshillit të Evropës, besojmë që edhe faza e ardhshme do të përmbyllet me sukses. Megjithatë, puna jonë do të vazhdojë”, shtoi ai.
Kryeministri Kurti ka theksuar se nga anëtarësimi i Kosovës në Këshillin e Evropës, fiton demokracia, sundimi i ligjit dhe të drejtat e njeriut.
“E me Kosovën aty, Këshilli i Evropës fiton një demokraci të re e të gjallë, ku sundon ligji e respektohen të drejtat e njeriut”, potencoi ai.
“Faleminderit të gjithëve. Urime të gjithëve”, përfundoi Kurti.
Ndërsa, më herët gjatë ditës, Komiteti për Çështje Politike dhe Demokraci i Këshillit të Evropës ka rrëzuar amendamentin e deputetëve serbë përmes të cilit kanë kërkuar që të shtyhet vendimi për pranimin e Kosovës në KiE, derisa të themelohet Asociacioni i Komunave me Shumicë Serbe.
Po ashtu, është rrëzuar edhe amendamenti i propozuar nga deputetët italianë të cilët kanë propozuar që Kuvendi të konsiderojë se themelimi i Asociacionit duhet të merret parasysh si çështje në shqyrtimin e ardhshëm të Komitetit të Ministrave për aplikimin e Kosovës.
Ndryshe, Komiteti për Politikë dhe Demokraci në Këshillin e Evropës, më 27 mars, miratoi raportin e Bakoyannis, ku rekomandohet që Kosova të anëtarësohet në këtë organizatë – pro votuan 31 përfaqësues të shteteve anëtare, katër kundër dhe një abstenoi.
Asambleja Parlamentare e KiE-së voton pro anëtarësimit të Kosovës
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Protestat në kampusin amerikan: Grupet rivale të protestës në Gaza përleshen në UCLA
-
Diplomatët shpresojnë për një marrëveshje ndërsa Izraeli zbut qëndrimin
-
Anketa e IRI për Kosovën: SHBA-të aleati më i rëndësishëm, Serbia kërcënimi më i rrezikshëm
-
Liria e medias “rrezikshëm afër pikës së thyerjes” në disa vende të BE-së
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE