COVID-19 po e rrezikon seriozisht ekonominë e Kinës

Shangai është zhytur përsëri në një mbyllje dhe disa banorë do të ballafaqohen edhe me nga 10 ditë izolim në shtëpitë e tyre në Kinë, derisa politika strikte “zero-COVID” rrezikon ta shkatërrojë ekonominë e vendit.

Qyteti më i madh në pjesën lindore të Kinës veç se do dilte të premten nga një mbyllje totale katërditore, për ta luftuar kështu përhapjen e shpejt të variantit Omicron, por zgjatje e këtij katërditëshi në 10 është njoftuar mbrëmjen e së enjtes.

Mbyllja e pjesës perëndimore të qytetit do të lë të mbyllur miliona njerëz – në total Shangai ka 26 milionë banorë.

Virusi ka detyruar mbyllje në disa qytete këtë vit, duke e bërë shpërthimin aktual më të rëndin prejse pandemia kishte filluar në Vuhan në vitin 2019.

Të dhënat tregojnë se aktiviteti i prodhimit në Kinë ka rënë me shpejtësinë më të madhe këto dy vitet e fundit, meqë përveç COVID-it, një rënie e diktoi edhe lufta në Ukrainë dhe kriza globale.

Trinh Nguyen, ekonomist nga Hong Kongu, ka thënë se politika zero-COVID e Kinës është aktualisht rreziku më i madh i ekonomisë dhe ka parashikuar përkeqësim akoma më të madh.

“Prilli do të jetë i tmerrshëm me zgjatjen e mbylljes në Shangai”, ka thënë ajo.

Edhe firmat e mëdha si BMW gjermane kanë mbyllur fabrikat e tyre në Shenyang, qyteti verilindor në provincën Lianing, për shkak të kontrolleve pandemike.

Të premten në mëngjes, vetëm në Shangai janë regjistruar 4 mijë e 144 raste asimptomatike dhe 358 raste simptomatike, derisa të enjten ishin 5298 rastre asimptomatike dhe 355 simptomatike.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.