Covid-19, arrin ndihma ndërkombëtare në Indi për të luftuar krizën vdekjeprurëse

Mëngjesin e së martës, më 27 prill, ndihma ndërkombëtare ka mbërritur në Indi.

Një numër vendesh janë zotuar të bashkohen në luftën kundër Covid-it, pasi sistemi i kujdesit shëndetësor po shkon drejt një kolapsi nga një valë e dytë vdekjeprurëse në vend.

Një fluturim nga Britania e Madhe, që mbante furnizime të domosdoshme mjekësore, përfshirë ventiluesit, zbarkoi në Indi në orët e para të mëngjesit.

Gjithashtu, gjashtë kontejnerë oksigjeni pritet të arrijnë nga Dubai.

Po ashtu, presidenti i SHBA-së, Joe Biden, në një bisedë telefonike me kryeministrin indian Narendra Modi, i premtoi “mbështetjen e palëkundur të Amerikës” në Indi, duke siguruar furnizime me oksigjen dhe doza të vaksinës.

SHBA-ja u zotua të ndajë me Indinë disa nga dozat e tyre të papërdorura 60 milionë të vaksinës Oxford/AstraZeneca, të cilave nuk u është dhënë ende miratimi nga autoritetet amerikane.

India do të hapë programin e saj të vaksinave, për të gjithë të rriturit të shtunën e 1 majit, por vendi tashmë po vuan nga mungesat e dozave.

India regjistroi edhe një ditë tjetër me mbi 300 mijë raste të reja të hënën dhe 2 mijë e 771 humbje jete.

Megjithatë, ekspertët e shëndetësisë besojnë se numri zyrtar është shumë më i lartë, në shtetet më të populluara si Uttar Pradesh dhe Gujarat të akuzuar për llogaritjen e fataliteteve dhe rasteve të Covid-19.

Me laboratorët e testimit, të mbingarkuar në qytete të tilla si Delhi, shumë raste me simptoma nuk kanë qenë në gjendje të bëjnë një test.

Shkalla e rasteve pozitive me Covid në Delhi vazhdoi të rritet në mbi 35%. Ndërsa, në qytetin e Kolkata-s në perëndim të Bengal-it.

Kjo e fundit po kalon zgjedhjet shtetërore të kritikuara rëndë, mjekët raportuan se kishte gati 50% të rasteve.

Ndihma e ndërkombëtarëve

Kriza bëri që ushtria gjermane të sigurojë një fabrikë të madhe të prodhimit të oksigjenit, ndërsa Franca ka thënë se ata do të dërgojnë furnizime në Indi përmes ajrit dhe detit.

Duke përfshirë tetë koncentratorë oksigjeni, kontejnerë me oksigjen të lëngshëm dhe 28 aparate për frymëmarrje.

Bashkimi Evropian (BE) tha se do të dërgojë ilaçe dhe oksigjen në Indi në ditët në vijim.

“BE-ja po bashkon burimet për t’iu përgjigjur me shpejtësi kërkesës së Indisë për ndihmë”, tha Ursula von der Leyen, presidentja e Komisionit Evropian, në Twitter.

Shefi i Organizatës Botërore të Shëndetësisë, Tedros Adhanom Ghebreyesus, u shpreh se organizata po nxitonte gjithashtu për të ndihmuar Indinë, duke dërguar “mijëra kontejnerë oksigjeni” midis pajisjeve të tjera kritike.

“Situata në Indi është më se tronditëse”, tha Tedros.

Premtimet e mbështetjes kanë ardhur gjithashtu nga Danimarka, Arabia Saudite, Emiratet e Bashkuara Arabe, Australia dhe Butani.

Mbretëria e vogël, për të cilën fqinjët India gjithashtu thanë se do të dërgonte “disa qindra litra rezervë” oksigjen sa më shpejt që uzina e tyre e oksigjenit e sapondërtuar të funksiononte.

Në mars, India i dhuroi Butan-it mbi gjysmë milioni vaksina Oxford/Astrazeneca, të cilat ndihmuan vendin të zbatojë një nga vaksinat më të shpejta në botë, ku vaksinoi 93% të popullsisë së vogël në vetëm 16 ditë.

Shumë kanë frikë se ndihma ndërkombëtare, që po dërgohet në Indi, nuk do të jetë e mjaftueshme për të mbushur boshllëkun akut në furnizimet e oksigjenit, i cili ka ndikuar në spitalet në Delhi-t dhe Uttar Pradesh-it.

Të hënën, Australia tha se po pezullonte fluturimet direkt nga India deri në të paktën 15 maj, për shkak të rritjes së rasteve me Covid.

Tajlanda, Bangladeshi, Singapori dhe Mbretëria e Bashkuar tashmë kanë vendosur kufizime në udhëtimet ajrore nga India.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.