Lajme

COVID-19: 6 respiratorë dhe 40,000 maska nga Puglia për Shqipërinë


Trupat Konsullore të Puglia-s, Basilicat-ës dhe Molise-s, në bashkëpunim me kompaninë Divella spa, i kanë dhuruar Shqipërisë gjashtë respiratorë të mushkërive dhe 40,000 maska.

Dorëzimi do të bëhet sot në orën 12 në Autoritetin Portual të Barit. Për Massimo Salomone, sekretar i përgjithshëm i trupit konsullor të Pulias, Bazilikatës dhe Molizes, ” ky është një akt i madh dashurie.

Më 21 shtator të këtij viti – kujton ai – ne festojmë 50 vjet të veprimtarisë diplomatike dhe marrëdhënieve ndërkombëtare në tre rajone strategjike të Mesdheut “.

“Dhurimi i aspiratorëve – shton Francesco Divella, menaxher i marketingut i F. Divella spa – përfaqëson për ne një gjest konkret ndihme.

Ky akt i drejtohet një populli i cili, si pjesa tjetër e botës, po përjeton një emergjencë të vërtetë shëndetësore”.

“Të bashkuar nga i njëjti det: kjo është lidhja e fortë midis Bel Paese-s dhe Tokës së Shqiponjave”, përfundon Ugo Patroni Griffi, president i Autoritetit të Sistemit Portual të Detit Adriatik Jugor.

Sot gjatë dorëzimit do të flasë Gentiana Mburini, Konsull i Përgjithshëm i Shqipërisë; Massimo Salomone, sekretar i përgjithshëm i Trupave Konsullore të Pulias, Bazilikatës dhe Molizës; Ugo Patroni Griffi, president i Autoritetit të Sistemit Portual të Adriatikut Jugor; dhe Francesco Divella, menaxher i marketingut të F. Divella.

Albanianpost.com


Lajmet kryesore