Gazeta e përditëshme italiane “Il Giornale” ka raportuar se Komiteti Olimpik Italian (CONI) ka akorduar një fond në shumën e 6.6 milionë eurove, të cilat do u shpërndahen sportistëve medalist në Tokio 2020.
Sportistët që përfaqësuan Italinë në Lojërat Olimpike të Tokio 2020 (2021) arritën të merrnin 40 medalje, nga të cilat 10 ari, 10 argjendi dhe 20 bronzi.
Singapori është vendi që paguan më shumë sportistët e tij. Për çdo medalje ari, një sportist nga Singapori merr 1 milion dollarë.
Pas Singaporti vijnë: Indonezia, Kazakistani dhe Azerbajxhani. Ndërsa, italia renditet në vendin e pestë, pasi vlerëson me 180 mijë euro një medalje të artë, 90 mijë euro një argjend dhe 60 mijë euro një bronz.
Çmimet u rritën me 20% nga CONI në krahasim me Lojërat Olimpike, Rio 2016 për të “shpërblyer sakrificat e bëra në këto kohëra të vështira”, tha Giovanni Malago, presidenti i CONI.
Çdo atletë do të shpërblehet për çdo medalje që ka marrë. Kjo do të thote se në garat 4×100 metër, të katër atletët do të vlerësohen 720 mijë euro për medaljet e tyre. Gjithashtu, e njëjta gjë vlen edhe për atletët që kanë më shumë se një medalje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
