Çollaku: Kurti e Vuçiç s’kanë guxim për marrëveshje përfundimtare, duan vetëm tensione që t’i mbajnë dy popujt në ankth
Ish-Ministri për Integrime Evropiane, Bekim Çollaku, ka thënë se problemi qendror në dialogun Kosovë-Serbi, është mungesa e vullnetit dhe guximit tek kryeministri Albin Kurti dhe presidenti Aleksandër Vuçiç, për të arritur një marrëveshje përfundimtare, apo për të zbatuar atë që tanimë e kanë pranuar.
Këto komente, Çollaku i ka bërë në një prononcim për Albanian Post, pasi që është pyetur në lidhje me raportimet se ish-presidenti i Sllovenisë, Borut Pahor, mund të emërohet i Dërguar Special i Bashkimit Evropian për dialogun Kosovë-Serbi.
“Emërimi eventual në rolin e ndërmjetësuesit në emër të BE-së i ish-presidenti i Sllovenisë, Borut Pahor, si pasues i Miroslav Lajçak-ut, nuk besoj se do të mund të ndryshojë dinamikën e dialogut, për aq kohë sa në tavolinë të negociatave do të mbesin Kurti dhe Vuçiç”, tha Çollaku.
Kur e thotë një gjë të tillë, eksperti i marrëdhënieve ndërkombëtare mendon se problemi me dialogun dhe marrëveshjet nuk qëndron tek ndërmjetësuesi qoftë ai Lajçak sot, nesër Pahor apo dikush tjetër.
Problemi thelbësor, sipas tij, “është tek mungesa e vullnetit dhe guximit tek Kurti dhe Vuçiç qoftë për të arritur marrëveshje përfundimtare, apo së paku për të zbatuar marrëveshjen e keqe [Marrëveshjen Bazë, Bruksel më 27 shkurt, Ohër më 18 mars] të cilën e kanë pranuar të dytë, dhe tani asnjëri nuk do që ta zbatojë”.
“Prandaj, pavarësisht se kush do të jetë pasuesi i radhës që do të ndërmjetësoi në emër të BE-së, jam skeptik se do të ketë sukses për aq kohë sa Kurti dhe Vuçiç mbesin në tavolinë të negociatave sepse asnjëri nga ata nuk është i interesuar për marrëveshje përfundimtare”, shtoi.
Ata, sipas ish-ministrit, “duan vetëm tensione në mënyrë që ti mbajnë dy popujt në ankth dhe frikë të vazhdueshme”.
“Kjo situatë e tensionuar e cila është rezultat i gjuhës dhe retorikës së tyre, i ndihmon ata të ruajnë pushtetin e tyre, duke e përdorur dialogun dhe situatën e tensionuar si mbulesë për të gjitha problemet dhe dështimet në aspektin e qeverisjes së mirë dhe mungesën e zhvillimit ekonomik”, potencoi.
“Pahor s’mund ta ndryshojë dinamikën e dialogut përderisa në tavolinë janë Kurti e Vuçiç”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Qeveria lidhi 781 kontrata me negocim, 209 milionë euro në pyetje – Veç KEK-u dha 102 milionë euro me procedura të dyshimta
-
Molotovi pranë gazetarëve në protestë, AMA dënon aktin: Pasiguria në punën e medias, goditje për fjalën e lirë
-
Izraeli sulmon sërish Rafahun, të paktën 21 palestinezë të vrarë e dhjetëra të plagosur
-
Kurti: Zvicra për 16 vjet ka investuar 1.1 miliardë euro në Kosovë