Ndarja e çmimeve Emmy është shtyrë për gati katër muaj, njoftuan organizatorët, ndërsa grevat e aktorëve dhe shkrimtarëve të Hollivudit vijojnë ende dhe nuk ka asnjë zgjidhje në horizont.
Ekuivalenti televiziv i çmimeve Oscar ishte dashur të mbahej këtë shtator, por tani do të mbahet në mes të janarit të vitit të ardhshëm, njoftuan televizioni Fox dhe Akademia e Televizionit, transmeton agjencia “AFP”.
“Kemi kënaqësinë t’iu njoftojmë se çmimet e 75-të Emmy do të transmetohen të hënën, më 15 janar 2024”, tha një zëdhënës i Fox.
Çmimet Emmy janë ngjarja më e rëndësishme argëtuese deri më tani që është shtyrë për shkak të grevës së parë të përbashkët të aktorëve dhe shkrimtarëve në të gjithë Hollywood në më shumë se 60 vjet.
Hera e fundit që çmimet Emmy u shtynë ishte në vitin 2001 pas sulmeve të 11 shtatorit.
Për shkak të grevës së vazhdueshme të aktorëve, yjet nuk do të mund të merrnin pjesë në Emmy nëse greva e aktorëve do të ishte ende në fuqi në kohën e ceremonisë, gjë që do të ishte katastrofike për vlerësimet televizive.
Shkrimtarët gjithashtu nuk duhet të shkruajnë monologë apo shaka për prezantuesit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë
-
Vajza e Beyonce dhe Jay Z, Blue Ivy Carter debuton në botën e filmave
-
Meryl Streep bën shaka duke thënë se Nicole Kidman është aq e mirë në aktrim saqë është “traumatizuese”
-
“The Strike”, një betejë për të ndalur izolimin e pafund të burgosjes
Lajmet kryesore
-
Intervistë e Albanian Post me Ziadin Selën: “VLEN” fliste për Kurtin në fushatë dhe harruan partitë e tyre, tash e thërrasin zëshëm emrin e Mickoski-t
-
Amnistia Penale, PD kërkesë për interpelancë urgjente me ministrin e Drejtësisë
-
Kampet pro-palestineze, Policia arreston qindra studentë të universiteteve amerikane
-
8 orët e ankthit të Erion Veliajt në SPAK
