Studiuesi i lartë në Institutin Leibniz të Evropës Lindore dhe Juglindore (IOS) në Regensburg të Gjermanisë, Konrad Clewing, beson se situata në mes të Kosovës dhe Serbisë pas ngjarjeve në Manastirin e Banjskës kur një grup terrorist sulmoi Policinë e Kosovës duke lënë të vrarë një pjesëtar të saj të dielën e 24 shtatorit është shumë e rrezikshme në krahasim me përshkallëzimet e tjera në terren.
Kjo pasi që sipas tij grupi terrorist mund të përdoret për sulme të tjera në territorin e Kosovës.
“Sot, për herë të parë, mendoj se është e mundur një luftë e re, megjithëse ende nuk ka shumë gjasa që të ndodhë”, tha ai në një intervistë për gazetën gjermane Bild.
Fakti që forcat e KFOR-it të udhëhequra nga NATO-ja janë stacionuar në Kosovë që nga viti 1999 dhe se atyre u lejohet të ndërhyjnë menjëherë ushtarakisht, sipas Clewing, do të thotë se hyrja e ushtrisë serbe në Kosovë e dërgon situatën në “mënyrë të pashmangshme në një luftë midis Serbisë dhe NATO-s”.
Studiuesi gjerman në një prononcim për gazetën gjermane, Bild, ka paralajmëruar edhe destabilizimin e Evropës.
Ai ka kërkuar që Bashkimi Evropian ta ndalojë Serbinë së pari në mënyrë diplomatike dhe politike.
“Nëse është e nevojshme, përmes NATO-s – dhe ushtarakisht”, shton Clewing.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’
-
Policia konfiskon armë në Veri, i dyshuar është një ish-zyrtar policor
-
Ahmeti e konfirmon: Kosova jashtë agjendës së KiE-së, ka gjasa që votimi të shtyhet
-
Rusia duhet të paguajë për rindërtimin e Ukrainës, thotë Blinken
