“Shfaqje teatrale dhe patetike e (Aleksandër) Vuçiçit sonte”, e ka konsideruar nënkryetarja e Partisë Demokratike të Kosovës, Vlora Çitaku, konferencën për media të presidentit serb, pas tensioneve të fundit në Veri të Kosovës, ku për pasojë ka mbetur i vdekur një pjesëtar i Policisë së Kosovës.
Në këtë konferencë, kreu serb për të gjithë ngjarjen e akuzoi Kryeministrin e Kosovës, Albin Kurti.
Por kjo akuzë për Çitakun nuk është e re, pasi që pohoi se të njëjtën ia ka bërë edhe kryeministrave paraprakë, Hashim Thaçit, Isa Mustafës e Ramush Haradinajt.
Ish-kryediplomatja e Kosovës theksoi se përkundër se Kurtin e ka oponent politik, dhe se e fajëson për një mori gjërash, si mungesa e projekteve zhvillimore, mungesën e koordinimit me aleatët, “rrënimin e dialogut social me media”, madje edhe “për qasjen e tij në dialog me Serbin”, por jo për situatën e së dielës në Veri.
“Por, për gjendjen e sotme në veri, Serbia dhe grupet paramilitare kanë faj. Ju e keni provokuar situatën”.
“Shpresoj ta merrni mësimin”, theksoi, ndërsa shtoi se “Kosova është ndërtuar që 24 vite”.
Vuçiçi s’ka cenzurë për fantazinë: Kosova kurrë s’do ta fitojë pavarësinë e saj nga Serbia
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
