Cilat janë pasojat e abortit?

Aborti është një ndërprerje spontane ose e qëllimshme e shtatzënisë.

Aborti i qëllimshëm zakonisht lejohet me kërkesë të pacientit deri në moshën 10 javëshe të shtatzënisë. Çdo ndërprerje e shtatzënisë pas kësaj moshe të embrionit duhet të jetë ekskluzivisht për indikacione mjekësore, sociale ose terapeutike të lejuara nga komisionet mjekësore përkatëse.

Ndërprerja e qëllimshme e shtatzënisë mund të bëhet në dy mënyra: me ilaçe ose me mjete instrumentale. Çdo mjet ka avantazhet e tij, si dhe kufizimet kur dhe si mund të zbatohet.

Shtatzënitë e padëshiruara me përqindje të lartë suksesi mund të ndërpriten me trajtim medikamentoz deri në javën e shtatë të shtatzënisë, pa pasur nevojë për ndërhyrje që mbartin rrezik më të lartë për shëndetin riprodhues të gruas.

Pas asaj moshe shtatzënie, përqindja e nevojës për intervenim shtesë – kiretazh i zgavrës së mitrës, d.m.th. pjesa e brendshme e mitrës është më e zakonshme.

Ndërhyrja që heq indin embrional dhe indin e shtatzënisë përfshin dilatimin, e ndjekur nga aspirimi me vakum dhe kiretazhi i pjesës së brendshme të zgavrës së mitrës.

Ndërhyrja kryhet me anestezi lokale ose të përgjithshme me kërkesë të pacientit. Rimëkëmbja është zakonisht e shpejtë.

Megjithatë, pasojat e një aborti të tillë, mund të jenë shumë serioze.

Problemet akute përfshijnë dëmtimet e murit të mitrës, perforimet e mitrës, nevojën për kujdes kirurgjik dhe ndonjëherë humbjen e mitrës.

Ka edhe pasoja të mundshme kronike. Për shkak të dëmtimit të mitrës në nivelin e endometriumit, heqjes së indit të shtatzënisë dhe lëndimit të bazës së kësaj shtrese të murit të mitrës, është e mundur që këto dëmtime të çojnë në rritje intrauterine ose mosfunksionim endometrial që pengon pranimin dhe implantimin e vezës së fekonduar. Gjithashtu, i njëjti shkak mund të çojë si pasojë në aborte të përsëritura.

Në fund të fundit, pasojat e dëmtimit të mitrës mund të rezultojnë në shtatzëni dhe lindje të ndërlikuara të mëvonshme. Pasoja të tilla ndonjëherë janë të zgjidhshme, ndonjëherë jo.

Prandaj, aborti si mjet i planifikimit familjar, nuk preferohet si opsion. Sot, kontraceptivët janë gjerësisht të disponueshëm, nga mjetet më të thjeshta mekanike deri tek ato kimike, të cilat duhet të jenë metoda e zgjedhur.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.