Të shtunën mediat polake konfirmuan se Kacper Kozłowski nuk do të ishte me skuadrën kundër Shqipërisë.
Siç zbuloi Przegląd Sportowy Onet, mesfushori i Vitesse Arnhem qëndroi në Varshavë për shkak të një ftohjeje.
Ndaj u bë e qartë se trajneri Fernando Santos do të përzgjidhte skuadrën e ndeshjes nga 24 lojtarët e mbetur.
Kundër Ishujve Faroe të enjten, Paweł Dawidowicz dhe Adrian Benedyczak ishin në tribunë.
Këtë herë dukej se ky i fundit do të kishte sërish një fat të ngjashëm. 22-vjeçari është padyshim e ardhmja e futbollit polak, por ai u ftua në kampin e tij të parë stërvitor të kombëtares polake më shumë si një nxitje sesa si një konkurrencë e vërtetë për Robert Lewandowski, Arkadiusz Milik dhe Karol Świderski.
Me sa duket, megjithatë, Santos e vlerësoi punën e tij gjatë stërvitjes, pasi sulmuesi i Parma-s ishte përfshirë në skuadrën e ndeshjes kundër Shqipërisë. Kjo u bë në kurriz të Bartosz Slisz-it.
Kjo është një surprizë, shkruajnë mediat polake, pasi mesfushori mbrojtës është një nga liderët e Legia Warszawa-s këtë sezon.
Disa madje e panë atë në formacionin titullar të kombëtares polake, por 24-vjeçari do të duhet të presë shansin e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Interesim i lartë edhe në Milano – Shqiptarët e Italisë presin Ramën
-
Rrugorja e Tiranës bën bilancin javor – 9 arrestime, mijëra gjoba dhe bllokime automjetesh
-
Furtunë mbi djalin e Netanyahut, pasi ai poston një video të një ushtari që kërcënon ministrin e Mbrojtjes
-
Një vit nga fillimi i tensioneve më të mëdha në Veri, kryetarët e përshkruajnë si tejet të vështirë atë ditë
