Shumë njerëz marrin vitamina, minerale dhe suplemente të ndryshme pa u konsultuar me mjekun apo farmacistin. Kjo nuk është zgjedhja më e zgjuar që mund të bëni, pasi mund të humbisni para dhe ë disa raste, në vend që të ndihmoni, mund të dëmtoni shëndetin tuaj.
Megjithatë, sipas disa simptomave, ju mund të identifikoni se cila vitaminë ose minerale ju mungon dhe të kërkoni ndihmë profesionale.
Simptomat e mungesës së vitaminës:
Lodhja
Lodhja vjen si pasojë e mungesës së hekurit. Simptoma tjera përfshijnë: përqendrimin e dobët, lëkurë të zbehtë, rrathë të errët poshtë syve.
Burim i mirë i hekurit mund të jetë: mishi i kuq, vezët, perimet jeshile, dhe meqenëse vitamina C ndihmon në përthithjen e hekurit në organizëm është mirë të pini lëng limoni ose portokalli në ndonjë vakt.
Lëkurë e ndjeshme
Lëkura fillon dhe dobësohet ose bëhet më e ndjeshme kur trupit i mungon zinku. Simptoma të tjera përfshijnë: shërimin e ngadalshëm të plagëve dhe njollat e bardha në thonjë.
Ushqimet që mund të ju ndihmojnë janë: arrat, farat, drithërat, sardelet dhe mishi i kuq.
Probleme me tretjen
Nëse keni probleme me tretjen atëherë ju mungon vitamina B3. Përveç kësaj, mund të shfaqen edhe probleme tjera si: muskuj të dobët, humbje oreksi dhe probleme të ndryshme të lëkurës.
Ushqimet që ju ndihmojnë të fitoni vitaminën B3 janë: mishi i kuq pa dhjam, peshku dhe arrat.
Ngërçe në krahë dhe këmbë
Ngërçet, inflamacioni i lëkurës, nervozizmi dhe pagjumësia vinë si pasojë e mungesës së vitaminës B5.
Orizi ngjyrë kafe, bananet dhe misri janë një burim i shkëlqyer i kësaj vitamine.
Rënia e flokëve
Rënia e flokëve, qërimi i lëkurës, humbja e oreksit, zbehja, lodhja, të gjitha këto janë shkak i mungesës së vitaminës B9.
Vitaminën B9 mund ta përfitoni duke konsumuar ushqime si: vezët, bishtajat, peshk, selino, mëlçi lope.
Dhimbje shpine dhe këmbësh
Dhimbjet në shpinë, këmbë, ije mund të jenë si pasojë e mungesës së vitaminës D. Simptoma tjera përfshijnë edhe vështirësinë në lëvizje dhe djersitjen e tepruar. Megjithatë kjo vitaminë shumë lehtë mund të rifitohet nëse bëni banja dielli.
Ankthi
Nervozizmi dhe ankthi janë gjendje që mund të vijnë si pasojë e mungesës së magnezit në organizëm.
Ushqimet që janë të pasura me magnez janë: spinaqi, bajamet, buka dhe drithërat.
Ftohjet e shpeshta
Ftohjet e shpeshta, lëkurë e thatë, akne, flokë të dëmtuar dhe zbokth janë disa nga simptomat e mungesës së vitaminës A.
Për të fituar këtë vitaminë duhet të konsumoni: vezë, produkte të qumështit si djathi dhe jogurti.
Marramendje të shpeshta
Marramendja, rrahjet e shpeshta të zemrës dhe përqendrimi i dobët, janë pasojë e mungesës së hekurit në organizëm.
Ushqimet që janë të pasura me hekur janë: mishi i kuq, mishi i bardhë, perimet ngjyrë gjelbër e errët si dhe frutat e thata.
Mungesa e energjisë
Mungesa e energjisë, humbja e orientimit dhe përgjumja, janë simptoma të mungesës së magnezit në organizëm.
Burime të mira të magnezit konsiderohen: perimet, arrat, drithërat dhe peshku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë