Ciara bëhet nënë për herë të katërt, sjellë në jetë një vajzë

Këngëtarja, Ciara ka një shtesë të re në familjen e saj, kjo pasi që ajo dhe bashkëshorti i saj qendërmbrojtës, Russell Wilson, kanë mirëpritur në jetë një vajzë.

Vajza Amora Princess Wilson ka lindur të hënën e 11 dhjetorit, derisa dyshja njoftuan lajmin përmes mediave sociale.

“Ne ju duam shumë”, shkroi çifti i lumtur në mbishkrimin e postimit të tyre të përbashkët.

Foshnja e porsalindur ndan një emër të mesëm me motrën e madhe Sienna Princess.

Ciara ndan dy vajzat dhe djalin e saj Win Harrison me Wilson, dhe është gjithashtu nëna e djalit Future Zahir, të cilin e ndan me ish rep artistin, Future.

Vetëm disa orë përpara se të njoftonte lindjen e vajzës së tyre të vogël, Ciara pozoi me fëmijët e saj në ndeshjen e Wilson’s Denver Broncos kundër Los Angeles Chargers.

“3 + 1”, shkruhej në mbishkrimin e Ciara-s teksa ajo pozonte me djalin Future, vajzën Sienna dhe djalin Win në prapaskenë në ndeshjen që pa ekipin e Russell të triumfonte 24-7.

Ciara, Future dhe Sienna dukeshin se ishin në humor të mirë teksa shfaqnin buzëqeshje të ndezura, me Siennën e veshur me një bluzë rozë me numrin 3 të fanellës së babait të saj.

Ndërkohë, Future dhe Win ishin gjithashtu të veshur me xhupa dhe pantallona të shkurtra në ngjyrë portokalli të ndezur.

Në gusht, Ciara njoftoi lajmin emocionues se ajo ishte në pritje të fëmijës së saj të katërt, i treti me qendërmbrojtësin e “Denver Broncos”.

Çifti ndau lajmin e tyre emocionues për fëmijën në një video njoftim në Instagram, të filmuar nga ylli i NFL në udhëtimin e përvjetorit të çiftit në Japoni.

“Ciara ka punuar dhe udhëtuar gjatë gjithë shtatzënisë. Ajo xhiroi videon ‘How We Roll’ ndërsa ishte shtatzënë. Ajo po kërcente në set gjatë gjithë ditës për një xhirim të plotë të ditës”, tha një burim për People aso kohe.

“Është e habitshme se sa energji ka ajo kur është shtatzënë. Ajo është një nga ato nëna që ka energji gjatë gjithë shtatzënisë”, shtoi burimi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.