Këngëtarja, Cher është kritikja më e madhe e vetvetes.
Ylli i hitit “Believe” tregoi se nuk ka qenë asnjëherë adhuruese e muzikës së saj apo zërit të saj si këngëtare.
“Unë nuk jam një fanse e Cher-it, por më pëlqen ta bëj atë”, tha ajo për revistën Paper, transmeton AlbanianPost.
“Nuk më ka pëlqyer kurrë zëri im aq shumë. Nëse do të kisha zgjedhjen time, ndoshta do të kisha një tjetër, por nuk e bëra zgjedhjen time. Mora zërin e nënës sime”, shtoi tutje ajo.
Fituesja e “Grammy” vazhdoi duke shpjeguar se ajo mendon se toni i zërit të saj është “i çuditshëm”.
“Nuk tingëllon si burrë, nuk tingëllon si grua. Unë jam diku më në mes”, tha ajo.
“Unë kam këtë stil të çuditshëm dhe mendoj se disa bashkëtingëllore janë të vështira për t’u kënduar, kështu që më duhet t’i lë të hapura”, shtoi Cher.
Pavarësisht karrierës së saj prej dekadash në krye të top-listave, Cher, 77 vjeçe, shtoi se ajo nuk është ndjerë gjithmonë e kënaqur me shumë nga këngët e saj të njohura.
“Kam bërë kaq shumë albume dhe disa nga ato që mendoja se ishin aq të mira sa mund të më pëlqente një album i imi, nuk ishin hite. Dhe pastaj të tjera për të cilat nuk isha aq e emocionuar u bënë hite”, tha ajo.
Megjithatë, këngëtarja legjendare është optimiste për albumin e saj të ri, “Christmas”, të cilin e regjistroi me të dashurin 37-vjeç Alexander Edwards.
“Më pëlqen ky album”, tha ajo.
“Kur e dëgjoj, mendoj se kjo funksionoi. Nuk ishte planifikuar, por funksionoi”, shtoi Cher.
Krijuesja e hitit “If I Could Turn Back Time” foli për Edwards në “Extra” në fillim të këtij muaji, duke thënë se ata “thjesht e njohin njëri-tjetrin”.
“E urrej të flas se sa e lumtur jam, por po, kalojmë një kohë të mirë së bashku”, tha ajo për median.
“Mund të flasim për muzikë. Mund të flasim për gjithçka. Ai ka një sens të shkëlqyeshëm humori, ai është djali më i lezetshëm në botë”, shtoi ajo.
Megjithatë, ajo pranoi se diferenca e tyre e moshës 40-vjeçare shpesh hyn në lojë pasi Edwards nuk i merr shumicën e referencave të saj nga e kaluara.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
