Chelsea po kërkon të forcojë mbrojtjen e tyre në vitin e ri, dhe pavarësisht interesit të gjatë për qendërmbrojtësin e RB Leipzig dhe yllin e fundit të Kupës së Botës, Josko Gvardiol, Athletic raporton se është Benoit Badiashile i AS Monaco që është ngjitur në krye të listës së dëshirave të Bluve.
21-vjeçari francez mund të luajë në qendër të mbrojtjes ose në të majtë të mbrojtjes me tre lojtarë, dhe dy klubet thuhet se janë në bisedime për një marrëveshje që mund të finalizohet në janar.
Monaco ka një tarifë transferimi prej 35 milion eurosh në mënyrë që të lejojë Badiashile të transferohet në Londrën perëndimore.
Badiashile, i cili ka qenë në sistemin e Monakos që nga viti 2016, ka bërë 135 paraqitje për klubin në të gjitha garat dhe ka qenë i rregullt në ekip që nga 2018-19.
Mbrojtësi ka impresionuar veçanërisht këtë sezon me aftësinë e tij në top dhe në situata ballë për ballë.
Chelsea ka monitoruar situatën e lojtarit që nga vera, pavarësisht se rregullisht është lidhur me një lëvizje për Gvardiol.
Badiashile thuhet se është një prioritet në Stamford Bridge, përpara lojtarëve si 23-vjeçari Evan Ndicka nga Eintracht Frankfurt dhe 20-vjeçari Piero Hincapie i Bayer Leverkusen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
