Chelsea synon nënshkrimin me Robert Lewandowski-n nga Bayern Munich, pasi polaku deklaroi se do të largohet këtë verë, edhe pse ka ende një vit kontratë të mbetur.
Në “Stamford Bridge”, Lewandowski shikohet si zëvendësuesi i Romelu Lukaku-t.
Belgu, pas vetëm një viti, dëshiron largimin, për t’u rikthyer tek Inter-i.
Megjithatë, arritja e një marrëveshjeje mes Chelsea dhe Lewandowski-t duket pak larg.
Barcelona dhe PSG-ja janë gjithashtu në garë dhe më të avantazhuara për të marrë shërbimet e polakut.
33-vjeçari ka nisur prej javësh bisedimet me dy klubet e tjera.
Sipas “Mundo Deportivo”, sulmuesi ka arritur një marrëveshje në parim me Barcelona-n për një kontratë trevjeçare me 175 mijë paund në javë.
Për momentin, polaku duhet të presë Barcelona-n për të finalizuar marrëveshjen.
Aktualisht katalanasit duhet të largojnë lojtarë, për t’i bërë vend Lewandowski-t dhe për të krijuar mundësi për pagën e tij.
Pikërisht këtë rast kërkojnë ta shfrytëzojnë PSG-ja me Chelsea-n. Negociatat e zgjatura me Barcelona-n mund të bëjnë që sulmuesi të preferojë të zgjedhë një tjetër destinacion.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
