Gjykata e Lartë, të martën e 28 shtatorit ka vendosur të rikthejë edhe një herë për gjykim në Apelin e Posaçëm, çështjen e ish-ministrit të Brendshëm, Saimir Tahiri, duke mbështetur kërkesën e palës mbrojtëse.
Këtë e ka bërë të ditur, avokati i tij Maksim Haxhia, në një dalje për mediat.
Nga ana tjetër, gjatë dëgjimit të pretendimit të palëve në seancë, Prokuroria e Posaçme (SPAK) ka kërkuar të rikthejë për shqyrtim në Shkallën e Parë dosjen “Tahiri”. Kjo e fundit u hedh poshtë nga Gjykata.
Gjithashtu Gjykata e Lartë ka rrëzuar kërkesën e e ish-drejtorit të Policisë Vlorë, Jaeld Çelës, për zëvendësimin e masës së sigurimit “Arrest në burg”.
Tashmë Apeli do të japë vendimin përfndimtar për ish-ministrin Tahiri. Kjo çështje do të shqyrtohet nga një tjetër trup gjykues.
Seanca në Gjykatën e Lartë
Gjykata e Lartë në Shqipëri ka zhvilluar seancën ndaj ish-ministrit të Brendshëm, Saimir Tahiri.
Trupi gjykues, përbëhej nga kryetari Ilir Panda dhe dy anëtarët Sokol Sadushi dhe Ervin Pupe. Ata kanë vazhduar procesin gjyqësor ndaj ish-ministrit Saimir Tahiri dhe ish-kreut të Policisë së Vlorës, Jaeld Çela.
Saimir Tahiri dhe Jaeld Çela u shpallën fajtorë për veprën penale të “Shpërdorimit të Detyrës”.
Ish-ministri u dënua me tri vite shërbim prove, ndërsa Jaeld Cela me tre vite e katër muaj burg.
Në nëntor të vitit 2017, prokuroria e akuzoi Çelën se, në bashkëpunim me Tahirin, ndihmonin bandën e Habilajve për të trafikuar drogë.
Çela u vetëdorëzua në polici në maj të vitit 2020 – pas dy viteve në arrati. Ndërsa akuzohej për veprat penale “Kultivim i bimëve narkotike”, “Trafikim i bimëve narkotike” dhe “Grup i strukturuar kriminal”.
Gjykata e Krimeve të Rënda rëndoi ndaj Çelës vetëm akuzën e shpërdorimit të detyrës dhe e dënoi atë me 3.4 vite burgim.
Nga ana tjetër, ish-ministri u dënua vetëm me 3 vite shërbim prove nën akuzën e rikualifikuar të “shpërdorimit të detyrës”.
Ndonëse i shpëtoi qelisë, ku Prokuroria e Krimeve të Rënda kërkoi ta dërgonte për tri akuza të tjera të rënda, për Tahirin u vendos gjithashtu që, për të paktën disa vite, të qëndronte jashtë jetës politike.
Ky vendim i Prokurorisë u apelua nga Tahiri, i cili e çoi çështjen në Gjykatën e Lartë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Si ia futën kot Osmani e Haxhiu për “padinë për gjenocid në Strasburg”, juristët përqeshin presidenten e ministren
-
Media, halli i ‘Heroit’ të Tiranës
-
Sulmi i përsëritur ndaj dëshmitarëve dhe gjyqtarëve, Trump rrezikon arrestin
-
Gërvalla injoron të gjeturat e raportit të DASH-it e Freedom House, thotë se Kosova është në krye të luftës kundër korrupsionit