Ambasada e Shteteve të Bashkuara në Tiranë (SHBA) njoftoi se këshilli i saj rinor ka filluar fushatën anti-korrupsion me seritë e Youth Talk në Shqipëri. I ftuari i parë i Këshillit Rinor të Ambasadës Amerikane ishte komisioneri Shtetëror i Zgjedhjeve, Ilirjan Celibashi.
Celibashi foli për “ndryshimet në Kodin Zgjedhor dhe mekanizmat që Komisioni Qendror i Zgjedhjeve (KQZ) përdor për të monitoruar partitë politike gjatë zgjedhjeve”.
Anëtarët e Këshillit Rinor bënë pyetje në lidhje me procesin e verifikimit të kandidatëve dhe hapësirat e përfshirjes së të rinjve në administrimin e procesit zgjedhor.
Komisioneri Shtetëror i Zgjedhjeve nxiti të rinjtë që të votojnë dhe të jenë qytetarë të angazhuar në mënyrë aktive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Rusia pëson sërish disfatë në OKB, dështon seanca për Kosovën