Koloneli Shkëlqim Çela ka marrë zyrtarisht detyrën e komandantit të Policisë Ushtarake. Në ceremoninë e mbajtur të martën e 8 shkurtit, i pranishëm ka qenë edhe ministri i Mbrojtjes, Niko Peleshi, i cili theksoi rëndësinë që ka kjo strukturë si pjesë e Forcave të Armatosura (FA).
“Forcat e Armatosura të Republikës së Shqipërisë, në opinionin publik, gëzojnë një reputacion pozitiv të lartë. FA janë një garanci për sigurinë kombëtare. Për këtë arsye, për shkak të funksionit të tyre, rëndësisë së madhe që kanë, integriteti brenda të gjitha strukturave të FA-së, është një element kyç. Ndaj sot jam i gëzuar që ne kemi përzgjedhur si komandant të batalionit të PU një kolonel të dalluar”.
Peleshi ravijëzoi faktin se FA kanë marrë detyra të rëndësishme në misionet jashtë vendit në kuadër të NATO-s, si në Afganistan, Egje e së fundmi edhe në kampin e refugjatëve të Bechtel Enka.
“Aktiviteti i FA është shumë herë më i madh, përgjegjësitë tona janë shumë herë më të mëdha sidomos në një situatë gjeopolitike që ka kompleksitetin, dinamikën e vet edhe po ndryshon në drejtime shpeshherë jo pozitive në rajone që nuk janë shumë larg nga ne dhe që na impaktojnë në mënyrë direkte apo indirekte edhe rajonin tonë të Ballkanit Perëndimor”.
Kolonel Shkëlqim Çela ka mbajtur edhe detyra të tjera shumë të rëndësishme në Forcat e Armatosura, si ajo e Shefit të Shtabit në Komandën Mbështetëse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
1 Maji në mbarë botën: Më shumë të drejta dhe rritje të pagave
-
Kosova dhe Shqipëria heqin kontrollet në kufij për nëntë muaj
-
Begaj viziton arbëreshët në komunat e Kozencës: Mirënjohje që ruani identitetin
-
Lejoi ndërtimin pa leje të objektit në pronësi të Gëzim Çelës, Gjykata lë në burg drejtorin e IMT-së
