Eksperti anglez, Jamie Carragher pretendon se kampionia në fuqi e Evropës, Italia nuk do të dalë nga faza e grupeve e Euro 2024, edhe si një nga skuadrat më të mira të vendit të tretë.
Carragher i bëri komentet për gazetën “The Telegraph”, ku parashikoi se Franca do të mundte Gjermaninë mikpritëse në finale.
Është një short i vështirë, pasi të shtunën përballen me Shqipërinë, më 20 qershor me Spanjën dhe më 24 qershor me Kroacinë.
“Unë mendoj se kjo do të shkojë në ndeshjen e fundit, por unë shohë që Spanja të kryesojë grupin dhe Kroacia e dyta. Shikojë Italinë, pastaj Shqipërinë”, tha Carragher.
“Italia mund të mos kalojë as në vendin e tretë”, shtoi ai.
Dy më të mirat kualifikohen në raundin e 16-të nga secili grup, plus katër skuadrat më të mira të vendit të tretë.
Azzurri-t nuk ishin pretendent as në Euro 2020, por megjithatë arritën të mposhtin Anglinë në finale në stadiumin “Wembley” për të ngritur trofeun.
Ata kishin dështuar të kualifikoheshin në Kupën e Botës 2018 dhe humbën përsëri 2022-in, por mes atyre uljeve historike ishte fitorja e Kampionatit Evropian.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
