Busquets do të bashkohet me Messi-n në Inter Miami

Sergio Busquets do të ndjekë gjurmët e ish-bashkëlojtarit të Barcelonës, Lionel Messi-t dhe do të nënshkruajë për Inter Miami-n.

Sipas raportimeve në Spanjë, duke përfshirë gazetarin me bazë në Barcelonë, Toni Juanmarti dhe radio stacionin katalanas, “RAC1”, mesfushori veteran pritet të nënshkruajë zyrtarisht një lëvizje në MLS në orët e ardhshme.

Ish-reprezentuesi spanjoll do të mbushë 35 vjeç në korrik dhe njoftoi në maj se do të largohet nga “Camp Nou” pas 15 sezonesh në ekipin e parë.

Gjatë kësaj kohe, Busquets pati gjithsej 722 paraqitje, fitoi nëntë tituj të La Ligës, tre Liga të Kampionëve dhe shtatë Copa del Rey si dhe disa trofe të tjerë.

🔗 pic.twitter.com/1AqHeYlDUJ

— Toni Juanmartí (@tjuanmarti) June 7, 2023

Mesfushori ka qenë i lidhur me një kalim te Inter Miami për disa muaj, megjithëse ishte diskutuar gjithashtu se ai do të bëhej ylli më i fundit në moshë që do të transferohej në Ligën Pro Saudite pas Cristiano Ronaldo-s dhe Karim Benzema-s.

Por më pak se dy javë pasi u njoftua se Messi do të transferohej në Miami, duket se mundësia për t’u lidhur me shtatë herë fituesin e Topit të Artë është shumë e mirë për Busquets.

Sipas raportimeve të fundit, lojtari është bindur të bëjë lëvizjen në Florida me anë të Inter Miami duke i bërë atij një ofertë të përmirësuar në orët e fundit.

34-vjeçari pritet të bjerë dakord për një kontratë dyvjeçare deri në fund të vitit 2025 dhe do të bëhet një nga tre lojtarët e përzgjedhur të klubit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.