Ndeshjet e së shtunës në Bundesligë, ishin interesante dhe me shumë gola.
Dueli mes RB Leipzig dhe FC Koln përfundoi me rezultat të barabartë 2:2.
Të parët shënuan Leipzig në minutën e nëntë me anë të Dani Olmo-s, por goli u anulua për shkak të një prekje me dorë.
Por, në minutën e 36-të, Timo Werner shënoi në rikthimin e tij te Leipzig për t’i dhënë epërsinë skuadrës gjermane.
Në minutën e 40-të, Koln barazoi rezultatin me anë të Dietz.
Pak para përfundimit të pjesës së parë, Leipzig mbeti me 10 lojtarë, pasi Szoboszlai u ndëshkua me karton të kuq.
Në pjesën e dytë, Leipzig gjetën përsëri epërsinë, këtë herë me anë të Nkunku-s, por as ky gol nuk mjaftoi për fitore pasi vendasit shënuan një autogol për t’i dhënë barazimin Koln-it.
Në anën tjetër, ndeshja mes Bayer Leverkusen dhe Augsburg u përmbyll me fitoren e këtyre të fundit me rezultat 1:2.
Augsburg shënuan të parët me anë të Jensen në minutën e 15-të, ndërsa Bayer Leverkusen barazuan rezultatin në minutën e 43-të, me anë të Aranguiz.
Në minutën e 82-të, ishte Hahn ai i cili i dha këtë fitore mjaft të vështirë Augsburg-ut.
Më tej, ndeshja mes Hertha Berlin-it dhe Eintracht Frankfurt-it përfundoi po ashtu me rezultat të barabartë 1:1.
Epërsinë e parë e morën Hertha Berlin-i, të cilët shënuan në fillim të ndeshjes, në minutën tretë me anë të Serdar.
Kampionët e Europa League, barazuan rezultatin në minutën e 48-të me Kamada-n, por nuk mjaftoi për të fituar ndeshjen.
Ndeshjet e tjera në Bundesligë, përfunduan kështu:
Hoffenheim 3:2 Bochum
Werder Bremen 2:2 Stuttgart
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës