1.2 kg lëndë narkotike janë sekuestruar gjatë ditës së sotme në qytetin e Bulqizës.
Lënda e dyshuar thuhet të jetë e llojit cannabis sativa. Në vendngjarje janë gjetur dhe disa kubikë, në të cilin ishin kultivuar fara të bimës.
Në pranga është vendosur një 47 vjeçar me inicialet A.S., me precedent të mëparshëm penal.
Materialet procedurale i kanë kaluar Prokurorisë së Rrethit Gjyqësor Dibër, për veprat penale “Prodhimi dhe shitja e narkotikëve” dhe “Kultivimi i bimëve narkotike”.
“Në vijim të punës për parandalimin, evidentimin dhe goditjen e veprimtarisë kriminale në fushën e kultivimit dhe trafikimit të lëndëve narkotike, shërbimet e Komisariatit të Policisë Bulqizë, në bazë të informacioneve të siguruara në rrugë operative se një shtetas mund të posedonte lëndë narkotike në banesën e tij, organizuan punën dhe ushtruan kontroll në banesën e shtetasit A. S.
Specialistët për Hetimin e Krimit në Komisariatin e Policisë Bulqizë arrestuan në flagrancë shtetasin A. S., 47 vjeç, banues në Bulqizë (person me precedent të mëparshëm penal në fushën e narkotikëve)”, ka njoftuar policia.
Albanianpost.com
