![](https://albanianpost.com/wp-content/uploads/2021/09/Meghan-Markle-waves-beige-coat-and-scarf-January-9-2018.jpg)
Dukesha e Sussex-it, Meghan Markle, mund të mos shfaqet në Britani të Madhe, derisa situata mes familjes së saj me Princin Harry dhe familjes Mbretërore të qetësohet pak.
Të paktën kështu ka bërë të ditur autori mbretëror, Robert Jobson, i cili ka theksuar se Markle do të shmangë vizitat e saj në Mbretërinë e Bashkuar “derisa pluhuri të qetësohet përfundimisht”, pas braktisjes që ajo bashkë me burrin e saj, Princin Harry, i bënë pallatit.
![](https://albanianpost.com/wp-content/uploads/2021/09/Web_RobJobson_0818.jpg)
“Nuk jam i sigurt që Meghan do të vijë sërish në Britani. Ajo nuk është e popullarizuar tani”, ka thënë Jobson në një intervistë për “Us Weekly”.
Sipas, Jobson, hera e fundit që ajo ka të ngjarë të vizitojë Familjen Mbretërore do të ishte evenimenti i “Platinum Jubilee”, me ç ‘rast do të ketë festë të organizuar në nder të 70-vjetorit të Mbretëreshës Elizabeth II në fron.
Tutje, ai ka theksuar se libri të cilin, Princi Harry, pritet ta botojë brenda disa muajsh, do të ndikojë edhe më keq në relacionet mes tij dhe pjesës tjetër të kësaj familjeje.
“Por ju duhet të mbani mend se brenda disa muajsh do të dalë me një libër … Do të jetë mjaft e vështirë”, vuri në dukje Jobson.
“Fokusi nuk duhet të jetë nëse Meghan është e lumtur apo jo, apo nëse Harry nuk ka raporte të mira me të vëllanë, Princin William. Mbretëresha realisht meriton më shumë se kaq”, ka thënë ai.
![](https://albanianpost.com/wp-content/uploads/2021/09/image-3-1024x745.jpg)
Ndryshe, Princi Harry dhe Meghan Markle u tërhoqën nga detyrat mbretërore në muajin mars të vitit 2020, për t’u shpërngulur në California të Shteteve të Bashkuara të Amerikës, ku edhe po jetojnë me dy fëmijët e tyre, Archie dhe Lilibet.
Që prej atëherë, dyshja ka ftohur relacionet me Familjen Mbretërore, ndërsa “qershia mbi tortë”, ishte intervista e tyre dhënë për Oprah Winfrey, brenda të cilës bënë deklarata të bujshme kundër banorëve të pallatit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Balla pret Wisner: SHBA, mbështetje Shqipërisë në sfidat e sigurisë publike
-
Mburoja kundër dronëve dhe metali i shkrirë: Një udhëtim në fabrikën e çelikut të Stalinit që armatos ushtrinë ukrainase
-
Edhe zyrtarisht Lajçak-ut i zgjatet mandati deri më 31 janar 2025