Prodhime ushtarake shqiptare në tregun ndërkombëtar, brenda vitit 2030. Është ky sa duket zotimi shqiptar, i dhënë nga zyrtarët e lartë shqiptarë në këtë fushë.
Ministri i Mbrojtjes, Niko Peleshi, mori pjesë në Ministerialin e ministrave të Mbrojtjes së vendeve të NATO-s, të zhvilluar në Bruksel. Gjatë këtij Ministeriali u diskutuan çështjet më të mprehta të sigurisë dhe mbrojtjes në zonën Euro-Atlantike, të cilat do të përbëjnë edhe bazën e bisedimeve të Samitit të Washingtonit, i cili pritet të mbahet në muajin korrik.
Ministri Peleshi, në fjalën e tij nënvizoi se Shqipëria vijon të ketë një angazhim serioz financiar ndaj Aleancës duke zyrtarizuar kontributin me 2.03 % të GDP. Një pjesë e mirë e këtij kontributi do të investohet për modernizimin e Forcave të Armatosura në armatime dhe pajisje.
Ministri Peleshi njohu homologët me ambicien e Shqipërisë për të zhvilluar industrinë e mbrojtjes dhe planet që brenda vitit 2030 të hyjë në tregun ndërkombëtar me produktet “Made in Albania”.
Po ashtu, gjatë fjalës së tij, Ministri i Mbrojtjes Niko Peleshi u fokusua në situatën e mbrojtjes dhe të sigurisë në Ballkanin Perëndimor, të cilën e konsideroi të brishtë dhe jo të qëndrueshme.
Sipas tij, Kuvendi gjithëserb i mbajtur në Beograd disa ditë më parë është shqetësues për narrativën lidhur me pretendimet territoriale të ngritur prej tij si dhe gjuhën e përdorur ndaj aleatëve perëndimorë.
Ministri i Mbrojtjes ritheksoi mbështetjen e Shqipërisë ndaj Kosovës në rrugën e saj të integrimit euro-atlantik si dhe kërkoi ekuilibër dhe trajtim realist të fakteve mbi dinamikat e sigurisë dhe zhvillimet e Mbrojtjes në Kosovë.
Në këtë ministerial Sekretari i Përgjithshëm i NATO-s Stoltenberg theksoi rëndësinë e miratimit të Agjendës së Mbrojtjes dhe Shkurajimit të Samitit të Washingtonit si edhe ftoi ministrat e Mbrojtjes të pranojnë paketën e Asistencës dhe Trajnimit për Ukrainën.
‘Shota’, automjeti i parë ushtarak i blinduar ‘Made in Albania’
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shqipëria kërkon ‘kokën’ e Kroacisë për të besuar në kualifikimin e mëtejshëm në Euro 2024
-
Begaj pritet në Berlin nga Steinmeier: Mora garanci për integrimin në BE
-
Zgjedhjet franceze, sondazhet tregojnë djathtas: Centristët nuk kualifikohen në raundin e dytë
-
Bislimi thotë se ia ka vlejtur Kosova t’i humbë edhe 1.5 miliardë euro nga sanksionet e BE-së, sepse “nuk kemi lëshuar pe”