Brahim Diaz është futbollist i huazuar nga Real Madrid-i te Milan-i për një periudhë 2-vjeçare.
Diaz ishte i huazuar në “San Siro” edhe sezonin e kaluar, mirëpo gjatë përgatitjeve parasezonale, ai u kthye te mbretërorët.
Por, me kërkesë personale, ai kërkoi që të rikthehej në Milano.
Real Madrid-i ia përmbushi kërkesën, duke e huazuar te klubi kuqezi për dy vite.
Mirëpo, madrilenët në kontratën e tij nuk përfshinë asnjë klauzolë blerjeje, duke u quajtur këtë huazim “Të thjeshtë”.
Edhe pse në Madrid ai pëlqehet shumë, dhe aty medoemos pritet një rikthim i tij, duket se vet Brahim nuk mendon kështu.
“Të thëm të drejtën, nuk po mendoj për një rikthim te Real Madrid-i”, tha Diaz.
“Milan-i është një klub i madh”, vazhdoi ai, “prej kur kam ardhur këtu kam ndjerë dashurinë dhe afërsinë nga klubi dhe tifozët”.
“Jam shumë i përqendruar tek e tashmja, dhe nuk mendoj për të ardhmen”.
Brahim e ka nisur sezonin shumë mirë me kuqezinjtë, ku në gjashtë ndeshje, ka shënuar katër gola.
Tashmë ai është shndërruar në një emër të pazëvendësueshëm për trajnerin Pioli, duke u bërë ngadalë një nga shtyllat e rikthimit për Milan-in.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
DASH ‘ngel’ Shqipërinë për vitin 2023, me tre probleme shumë madhore për demokracinë
-
OECD kërkon që ndërtuesit të paguajnë taksa për burimet natyrore, po dëmtojnë mjedisin
-
Mavijosje dhe brinjë të thyera – Vdekjet e pashpjegueshme në burgjet e Izraelit
-
Kosova (s’)humbi nga referendumi i dështuar në veri
