Brad Pitt: Do të dëboj oligarkun rus që bleu aksionet e Angelina Jolie në vreshtin Chateau Miraval

Aktori, Brad Pitt është i vendosur të dëbojë oligarkun rus të vodkës, të cilit ish-bashkëshortja e tij, Angelina Jolie i shiti “fshehurazi” pjesën e saj të vreshtit të tyre francez prej 500 milionë dollarësh.

Pitt është i zemëruar me Yuri Shefler që e ka tallur atë në dosjet gjyqësore, brenda të cilave e ka konsideruar artistin si “një aktor, jo një prodhues i verës” dhe e ka përshkruar atë si “një diletant të Hollivudit”.

“Tani ai është më i vendosur se kurrë për të hequr qafe oligarkun rus”, thonë burimet, shkruan PageSix, transmeton AlbanianPost.

Manjati i vodkës Shefler u caktua zyrtarisht nga Thesari i SHBA-së si oligark në vitin 2018 – më pas bleu pjesën e Jolie në Chateau Miraval në vitin 2021.

Burimet thonë se Pitt e sheh shitjen e Jolie tek shefi i presidentit rus si “hakmarrëse” sepse ajo e dinte se ai kishte refuzuar më parë një ofertë nga Shefler.

Por, Shefler dyshohet se dëshiron ta mbajë Pitt si personazh në kompani dhe ta përdorë atë për statusin e tij të famshëm, duke mos i lënë aktorit asnjë alternativë veçse të përpiqet ta largojë atë, sipas atyre që janë të njohur me luftën ligjore.

Pitt tani është në proces gjyqësor kundër Jolie dhe Shefler, pronarit të “Stoli”, kompanisë që prodhon vodkën ruse “Stolichnaya”, në Kaliforni dhe në Luksemburg për Chateau Miraval.

Ai dëshiron ta detyrojë atë të zgjidhë marrëveshjen e saj me Shefler.

Në dokumentet e gjykatës në Kaliforni, avokatët e Stefler thanë se Pitt kishte “vizituar më së shumti vreshtat për të admiruar punën e punëtorëve francezë që në fakt e bënë biznesin”.

“Pitt është një aktor, jo një prodhues i verës. Ai merret me iluzione, jo me papastërti dhe rrush”, thuhet të ketë deklaruar Shefler.

Para se të martoheshin, çifti bleu pronën së bashku, ku Pitt zotëronte 60 për qind dhe Jolie 40 për qind. Ata sollën verëbërësin Marc Perrin dhe ai u bë një nga prodhuesit më të vlerësuar të trëndafilit në botë.

Kalaja, ku çifti u martua në vitin 2014, u bë “pasioni” i Pitt dhe ai i dhuroi Jolie 10 për qind shtesë si pjesë e dasmës së tyre, duke e bërë atë një pasuri 50-50 kur u ndanë në vitin2016.

Burimet tregojnë për Page Six se Shefler e kishte ofertuar dy herë Pitt-it për të blerë Miraval, fillimisht në vitin 2016 kur çifti u nda dhe më pas në 2021 kur lufta e tyre për kujdestarinë mbi fëmijët e tyre u bë publike.

Por, burime pranë Pitt thonë se kur ai “me mirësjellje” i refuzoi ato, ata “fshehurazi” shkuan te Jolie, e cila injoroi atë që pala e aktorit thotë se ishte “një marrëveshje që ai kishte refuzuar fillimisht çdo shitje prej saj”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.