Zyrtarja më e lartë e OKB-së që mbikëqyr ndihmën dhe rindërtimin në Gaza i ka thënë BBC-së se komuniteti ndërkombëtar po dështon kolektivisht civilët e pafajshëm në territor.
Sigrid Kaag, e cila u emërua nëntë muaj më parë për të përmirësuar shpërndarjen e ndihmave të nevojshme urgjentisht, tha se një raport që ajo do të paraqesë sot në Këshillin e Sigurimit të OKB-së do të ishte “shumë i zymtë”.
Ajo e përshkroi situatën në territor si një “katastrofë të rëndësishme”.
“Ne nuk po i plotësojmë nevojat, e lëre më të krijojmë perspektiva dhe shpresë për civilët në Gaza”.
Ajo po ashtu tha se sistemet për të ofruar ndihmë – duke përfshirë rrugët e shumta tokësore dhe detare për në Gaza – tani janë vendosur.
Dhe se “OKB-ja po punon gjatë gjithë kohës dhe njerëzit po rrezikojnë jetën e tyre çdo ditë”. Por ajo e quajti Gazën si “vendi më i pasigurt në botë për të punuar”.
Javën e kaluar OKB-ja tha se një tjetër nga autokolonat e saj të ndihmave që shkonin në Gazën veriore u bllokua nga forcat izraelite dhe agjencia e Mbrojtjes Civile e Gazës e drejtuar nga Hamasi tha se një shkollë e OKB-së që funksiononte si strehë ishte në shënjestër të një sulmi ajror izraelit, duke vrarë 18 persona.
OKB tha se gjashtë anëtarë nga stafi i saj vdiqën.
Izraeli akuzoi Hamasin për përdorimin e objektit si “një qendër komandimi dhe kontrolli” dhe tha se luftëtarët e Hamasit ishin në mesin e të vdekurve.
OKB thotë se afro 300 punonjës të ndihmës, më shumë se dy të tretat e tyre staf të OKB-së, janë vrarë deri më tani në luftën e rëndë të Gazës, e cila tani po i afrohet kufirit të një viti.
Kaag, një nga të paktët zyrtarë të OKB-së që takoi zyrtarë të lartë izraelitë, përfshirë kryeministrin Benjamin Netanyahu, i përshkroi diskutimet si “konstruktive”.
Por ajo theksoi se “midis angazhimit dhe kohës që duhet për të parë zbatimin e dukshëm dhe të prekshëm, duhet shumë kohë”.
“Nuk ka asnjë ditë, asnjë sekondë për të humbur”, tha ajo për BBC.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Evropa Lindore kërkon reagimin e NATO-s për shkeljet e hapësirës ajrore nga Rusia
-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Oficeri i CIA-s që abuzoi seksualisht me disa gra, mund të burgoset për 30 vjet
-
Një bandë mori pagesën më të madhe ndonjëherë për zhvatje kibernetike
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi