Borrelli pret në takim liderët rajonalë, Osmani: Statusi i vendit kandidat për Kosovën është interes strategjik i BE-së
Liderët e Ballkanit Perëndimor, përfshirë presidenten e Kosovës, Vjosa Osmani, janë takuar të martën në Nju Jork me ftesë të shefit të diplomacisë së Bashkimit Evropian (BE), Josep Borrell, në kuadër të sesionit të 78-të të Asamblesë së Përgjithshme të Organizatës së Kombeve të Bashkuara (OKB).
Presidentja Osmani, nëpërmjet një postimi në llogarinë e saj në “Facebook”, ka thënë se “integrimi euroatlantik vazhdon të jetë rruga e vetme për të siguruar paqe dhe stabilitet afatgjatë në rajon dhe përtej tij”, derisa ka shtuar se “dhënia e statusit të vendit kandidat për Kosovën është interes strategjik” i bashkësisë së organizuar ndërkombëtare.
Tashmë është bërë traditë që në javën e nivelit të lartë në Nju Jork kur zhvillohet seanca vjetore e Asamblesë së Përgjithshme të OKB-së, përfaqësuesi i lartë për Politikë të Jashtme dhe të Sigurisë, mbledh në takim liderët e gjashtë shteteve të Ballkanit Perëndimor për situatën aktuale në rajon, posaçërisht pas agresionit rus në Ukrainë.
Në këtë takim, përveç presidentes Osmani dhe kryediplomatit evropian Borrell, të pranishëm kanë qenë edhe presidenti i Shqipërisë, Bajram Begaj, presidenti i Maqedonisë së Veriut, Stevo Pendarovksi, presidenti i Malit të Zi, Jakov Milatoviç, presidenti i Serbisë, Aleksandër Vuçiç dhe Zhelko Komshiç, anëtari kroat i presidencës trepalëshe të Bosnje-Hercegovinës.
Edhe presidenti serb ka shkruar në rrjetet e tij sociale në lidhje me takimin jo-formal të gjashtë krerëve të Ballkanit Perëndimor në Nju Jork, duke pandehur se do të vazhdojë “luftën për të ruajtur paqen dhe stabilitetin e përshpejtimin e zhvillimit të Ballkanit Perëndimor”. Ai ka shtuar se “interesi strategjik” i Serbisë është anëtarësimi në BE.
“Vendi ynë vazhdon të udhëheqë një politikë të përgjegjshme dhe parimore, të bazuar në ruajtjen e interesave kombëtare, të hapur ndaj bashkëpunimit konstruktiv në rajon që synon përmbushjen e objektivit strategjik të Serbisë – anëtarësimit në BE”, ka shkruar Vuçiçi, derisa ka kërkuar “bashkëpunim, mirëkuptim dhe mbështetje të besueshme nga partnerët”.
Megjithatë, perspektiva e Serbisë drejt BE-së është ende e pasigurt, nuk është e qartë. Gjithashtu, mbetet e paqartë nëse Serbia do të ndjekë politika të favorvshme ndaj stabilitetit rajonal. Serbia, gjatë gjithë historisë saj, ka marshuar sipas një daulleje krejt të ndryshme nga pjesa tjetër e Ballkanit Perëndimor.
Në vitet e fundit, sondazhet e opinioneve të kryera në rajon dhe Serbi, tregojnë polarizimin e shoqërisë serbe sa i përket besueshmërisë dhe anëtarësimit në BE. Krahasuar me vendet e tjera të Ballkanit Perëndimor, qytetarët e Serbisë tregojnë skepticizmin më të lartë dhe qëndrimin më negativ ndaj BE-së, duke favorizuar Rusinë dhe Kinën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tre trupa të tjerë pengjesh izraelitë janë gjetur në Gaza
-
Kosova e Evropa janë në ankth nga kthimi i mundshëm i Trumpit si president, thotë Kurti
-
Jepen 437 tituj pronësie në Himarë, Rama: Është shfrytëzuar si çështje për interesa politike
-
Gjermania dhe Franca pro largimit gradual të masave, por thonë se Qeveria s’po kontribuon në këtë çështje
Lajmet kryesore
-
Pas raportimeve nga Italia reagon Rama: Nuk kam ndryshuar mendje për marrëveshjen me Melonin
-
Gazment Bardhi konfirmon rihapjen e dosjes ‘Xibraka’
-
Tre trupa të tjerë pengjesh izraelitë janë gjetur në Gaza
-
Gjermania dhe Franca pro largimit gradual të masave, por thonë se Qeveria s’po kontribuon në këtë çështje