Shqipëria

Bordi i Transparencës ul çmimin e naftës, por rrit benzinën


Bordi i Transparencës pas mbledhjes së zhvilluar ka vendosur çmimet e reja për shitjen e karburantit në Shqipëri.

Këto çmime do të hyjnë në fuqi sot pas orës 18:00.

Kështu Bordi vendosi që çmimi i shitjes me pakicë i naftës të jetë 234 lekë/litri, ndërsa i shitjes me shumicë 222 lekë/litër.

Në krahasim me vendimin e shkuar, nafta është ulur me 3 lekë.

Po ashtu, çmimi i shitjes me pakicë i nënproduktit benzinë do të jetë 237 lekë/litri, ndërsa i shitjes me shumicë 225 lekë/litër.

Në krahasim me vendimin e shkuar, benzina është rritur me 3 lekë.

Gazi do të shitet me pakicë 90 lekë/litri me pakicë dhe i shitjes me shumicë 78 lekë/litër për automjetet.

Bordi thekson se çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën.

“Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi”, shkruhet në vendim

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

/Albanianpost.com

Lajmet kryesore