Bora e bardhë që mbulon çatitë e Kievit, në çdo rrethanë tjetër, do të ishte pamja më e bukur që mund të shihnin sytë.
Por… tani, bora shton listën e gjatë të shqetësimeve për banorët e kryeqytetit ukrainas.
Për mijëra banorë që kanë gjetur strehë në bodrume, parkingje nëntokësore dhe stacione metroje në të gjithë qytetin, rënia e papritur e temperaturave është shqetësuese.
Para nisjes së sulmit rus, qiejt ishin blu. Qyteti ndriçohej nga rrezet e diellit. Dukej se pranvera po trokiste dhe po u thoshte atyre se kishte ardhur koha t’i hiqnin veshjet e trasha dimërore.
Fundjava e ndryshoi sërish panoramën. Kievi nisi të ngrijë.
Banorët e tij kanë kaluar orë të tëra duke pritur në radha të gjata në dyqanet ushqimore dhe farmacitë e qytetit. Kjo se u hapën për herë të parë pas një shtetrrethimi 36-orësh.
Deri më tani, infrastruktura kryesore e qytetit po qëndron në këmbë.
Energjia elektrike, ngrohja dhe uji janë të disponueshme si normalisht, por frika e ndërprerjeve të mundshme të furnizimeve është rritur.
E gjitha prej autokolonës së gjatë ushtarake ruse.
Marrë nga “CNN”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Banorët e Venecias protestojnë teksa qyteti nis të tarifojë vizitorët
-
Lajçaku pret “komente konstruktive” mbi “kompromisin e propozuar” për dinarin
-
Perez: BE-ja ta çojë përpara aplikimin e Kosovës dhe ta ndëshkojë Serbinë
-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së