Blinken: Kurtit i kërkova de-përshkallëzimin në Veri, plani 3-pikësh i BE-së është rruga përpara
Sekretari Amerikan i Shtetit, Antony Blinken, ka treguar se gjatë bisedës telefonike me kryemininstrin e Kosovës, Albin Kurti, këtij të fundit i ka kërkuar de-përshkallëzimin në Veri dhe zbatim të planit 3-pikësh të Bashkimit Evropian.
“Sot fola me kryeministrin e Kosovës, Albin Kurti për të nxitur de-përshkallëzimin në veri të Kosovës dhe një kthim të menjëhershëm në dialogun e lehtësuar nga BE-ja. Plani me tre pika i BE-së është rruga përpara”, ka shkruar ai në Twitter.
Today I spoke with Kosovan Prime Minister @albinkurti to urge de-escalation in Kosovo’s north and an immediate return to the EU-facilitated Dialogue. The EU’s three-point plan is the way forward.
— Secretary Antony Blinken (@SecBlinken) June 26, 2023
Po ashtu Blinken ka njoftuar se ka biseduar edhe me presidentin serb Aleksandër Vuçiç, të cilin e ka falënderuar për lirimin e tre policëve të Kosovës të rrëmbyer nga Serbia.
“Kam folur me presidentin e Serbisë, Aleksandër Vuçiç sot për të nënvizuar rëndësinë e uljes së menjëhershme të tensioneve. Ne mirëpresim lirimin e sotëm të policëve të Kosovës dhe vazhdojmë të mbështesim fuqishëm planin trepikësh të BE-së si rrugën më të mirë përpara”.
I spoke with Serbian President Vucic @predsednikrs today to underscore the importance of immediately de-escalating tensions. We welcome today’s release of the Kosovo police officers and continue to strongly support the EU’s three-point plan as the best way forward.
— Secretary Antony Blinken (@SecBlinken) June 26, 2023
Paraprakisht, Kurti e Vuçiç kanë njoftuar se kanë biseduar me Blinken-in në telefon.
Kurti e ka fajësuar Vuçiç-in për mos gatishmëri për takim trepalësh në Bruksel.
“U diskutua për dialogun me zyrën e Përfaqësuesit të Lartë të BE-së për Politikë të Jashtme dhe Siguri, Josep Borrell për deeskalim dhe normalizim, me ç ‘rast kryeministri Kurti e njoftoi Sekretarin Blinken për takimin bilateral të së enjtes së javës së kaluar, që nuk u bë edhe trilateral për shkak të mosgatishmërisë së presidentit të Serbisë”, thuhet në njoftimin për media të Qeverisë.
Ndërsa Vuçiç theksoi se i ka thënë Blinken-it se “Serbia sillet seriozisht dhe me përgjegjësi, por forcat speciale të policisë së Kosovës çdo ditë arrestojnë pjesëtarët e popullit serb në mënyrë arbitrare”.
“Kërkova lirimin e të gjithë serbëve të arrestuar. Po ashtu, theksova se dorëheqja dhe tërheqja e menjëhershme e kryetarëve të rrejshëm nga ndërtesat në katër komuna në veri të Kosovës si dhe e forcave speciale të Policisë së Kosovës, janë me rëndësi kyçe për qetësimin e tensioneve”, shkruan Vuçiç.
Kurti flet në telefon me Blikenin: Vuçiçi s’kishte gatishmëri për takim trepalësh në Bruksel
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel