![](https://albanianpost.com/wp-content/uploads/2024/06/448177809_1008623450631382_3291528867341684963_n.jpg)
Kryeministri i Kosovës, Albin Kurti, ka pranuar një letër nga ish-kryeministri i Mbretërisë së Bashkuar, Sir Tony Blair, pas vizitës së tij në Kosovë.
Në letrën e publikuar nga kryeministri Kurti, ai ka vlerësuar miqësinë që ka me Kosovën duke thënë se “e ardhmja e kombit është e ndritur”.
“Ishte një nder i vërtetë të vizitoja Kosovën për të shënuar rastin e rëndësishëm të 25-vjetorit të çlirimit. Miqësia e popullit të Kosovës ka shumë rëndësi për mua. E ardhmja e kombit të bukur të Kosovës është e ndritur dhe mezi pres të rikthehem përsëri një ditë”, ka thënë ai.
Ndër të tjera, ka falënderuar kreun e ekzekutivin për pritjen që i ka bërë.
“Desha të të falënderoj shumë për kohën tënde dje. Ishte një kënaqësi të takoja gjatë vizitës sime në Kosovë gjatë kësaj jave historike dhe isha shumë mirënjohës për dhuratën tënde të menduar dhe të sjellshme”.
Ndërsa për Kurtin miqtë sikurse Sir Tony Blair “janë miq të vërtetë dhe të vërtetës”.
Tutje ai ka theksuar se vizita e tij e ka nderuar të gjithë vendin.
“Mirënjohja e popullit të Kosovës për udhëheqjen tij 25 vjet më parë nuk njeh fund”.
Gjatë vizitës së tij në Kosovë, Blair ishte takuar me presidenten Vjosa Osmani, kryetarin e Kuvendit, Glauk Konjufca, kryeministrin Albin Kurti, e opozitën.
Teksa nga kryetari i Prishtinës, Përparim Rama, i është dhuruar “Çëlësi i qytetit” dhe është shpallur “qytetar nderi”.
Blair, ka deklaruar se ndërhyrja e aleatëve të NATO-s në vitin 1999 ka qenë e nevojshme dhe se ekzistenca e shtetit të pavarur të Kosovës është dëshmi e kësaj, prandaj nuk është penduar asnjëherë që e ka ndihmuar Kosovën në momentet më të vështira.
Blair, i cili për shqiptarët e Kosovës është më shumë se një ish-kryeministër britanik, ka shtuar ndër të tjera se e ardhmja e Kosovës është në Bashkimin Evropian (BE).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Clark të dielën në Kosovë, Abdixhiku ia ndan dekoratën “Dr. Ibrahim Rugova”
-
“Takimi Kurti-Vuçiç do të riciklojë episodet e shfaqjeve të dështimit”
-
Takimi i 26 qershorit, Haliti: Kurti e Vuçiç të kuptojnë se marrëveshjet janë obligim e duhet zbatuar
-
Bajrami i reagon Muratit: Falë mospunës tuaj 61 mijë familje jetojnë në varfëri ekstreme