Vende

Bjeshkët e Gramës, ‘perla’ e fshehur e Dibrës


Elementët historikë, të ndërthur me ato socialë e kulturorë, e bëjnë zonën e Dibrës mjaft, tërheqëse.

Për të apasionuarit e natyrës dhe pas ecjes, mali i Gramës është një ndër destinacionet që nuk do t’ju zhgënjejë në asnjë moment.

Nga ajëri kupton madhështinë e këtyre bjeshkëve, të cilat duket sikur nuk kanë fund, e ku hije rëndë pranë saj qëndron edhe mali i Korabit.

Është një ndër rrugët me panoramike e kësaj zone, ku në kontakt me natyrën kupton se këtu çdo gjë është ruajtur me fanatizëm nga banorët e zonës, të cilët në bazë të ligjeve të pashkruar përfshinin edhe mbrojtjen dhe mos cenimin e pyjeve.

Shtrirja dhe pasuritë e këtyre bjeshkëve.

Të konsideruara perlat e Dibrës, bjeshkët e Gramës janë një nga pikat kyçe të Parkut Kombëtar Korab-Koritnik dhe ndodhet në një lartësi prej  2,345 metra.

Malet dhe bjeshkët e këtij teritori janë të pasura me bimë mjeksore , ku rriten shumë kafshë të egra të rralla si reqebualli ose (tigri i ballkanit), dhia e egër, thëllëza e malit etj.

E nëse vizitoni këto bjeshkë do të gjeni edhe shumë stane të cilat jo vetëm do ju ofrojnë ngrohtësinë e mikpritjes shqiptare, por do ju bejnë të shijoni prodhimet e djathit dhe bulmetin cilësor që përdoren shumë nga pushuesit për të marrë energjitë e nevojshme.

Grama, perla e Dibrës.

Për të arritur në bjeshkët e Gramës mund të përshkroni disa itinerare. Një pjesë e rrugës përshkrohet me makinë ndërsa për të parë monumentet natyrore të kësaj zone duhet ta përshkroni në këmbë.

Mali i Gramës me bjeshkët e saj është i pasur me shumë monumente natyrore fantastike, nga të cilat përmendim pasqyrat e Gramës, Krasta e malit të Bardhë, Shllinasi i Vrenjtit, bjeshka e Zonjave, si edhe liqeni i Gramës.

Monumentet e natyrës në bjeshkët e Gramës.

Pasqyrat e Gramës janë një bllok solid me gjatësi 500 mi gjatë dhe 200 m i gjërë, që shndrin si pasqyrë në lartësinë 1900 m.

Quhen të tilla pasi në të reflektojnë shumë bukur rrezet e diellit duke të krijuar imazhin e një pasqyre. Të ndodhura në afërsi të fshatit Sllovë ato janë të përbërë nga zhvjeshja gipsore e llojit selen që shkëlqejnë. Këshillohet që këtë guidë ta bënime barinjtë e zonës apo me guidat pasi shtegu nuk është i shënjuar.

 

/Albanianpost.com


Lajmet kryesore