Bislimi kritikoi Kosovën para ministrit çek, Çitaku: Paramendoni çfarë bën në takimet private
![](https://albanianpost.com/wp-content/uploads/2023/09/Vlora-Citaku.jpg)
Nënkryetarja e Partisë Demokratike të Kosovës, Vlora Çitaku, është shprehur e habitur me paraqitjen mediatike të zëvendëskryeministrit të Kosovës, Besnik Bislimi, i cili në një konferencë për media të përbashkët me ministrin e Republikës së Çekisë për Çështje Evropiane, Martin Dvorak, kritikoi ashpër shtetin e vet, Kosovën, për sistem të korruptuar të drejtësisë.
Konstatimet e Bislimit para diplomatit çek se Kosova s’ka gjyqësor të pavarur, që vendimet e gjyqtarëve në Kosovë janë të ndikuara dhe se praktikisht nuk funksionon sistemi i drejtësisë, sipas ish-ambasadores së Kosovës në Shtetet e Bashkuara të Amerikës, janë helme të hedhura kundër institucioneve të pavarura të Kosovës.
“Nëse ai është në gjendje ta bëjë këtë para gazetarëve dhe mediave, imagjinojeni se si i mbron dhe përfaqëson Bislimi interesat e Republikës sonë në takimet private. Në vend së të silleni si liderë dhe përfaqësues të interesave të shtetit dhe qytetarëve – ju silleni si opozitarë rrënues dhe të papërgjegjshëm”, ka shkruar Çitaku në platformën sociale, Facebook.
Bislimi e kritikon ashpër Kosovën (shtetin e vet) para ministrit evropian
Ndryshe kryetari i PDK-së, Memli Krasniqi, këtë të mërkurë ka pritur në takim Shefin e Zyrës së BE-së në Kosovës, Tomas Szunyog, Ambasadorin e Francës, Olivier Guerot, Ambasadorin e Gjermanisë, Jorn Rohde dhe Ambasadorin e Italisë, Antonello De Riu.
Përmes një postimi në llogarinë e tij në Facebook, Krasniqi, ka bërë të ditur pas takimit se me ambasadorët perëndimor ka diskutuar për zhvillimet politike dhe të sigurisë.
“Ambasadorët evropianë i falënderova për përkushtimin dhe kontributin e tyre në kultivimin e paqes, sigurisë dhe stabilitetit në Kosovë dhe i sigurova se edhe sot, kur Kosova po kalon nëpër sfida të natyrave të ndryshme, PDK do të luaj rolin e saj konstruktiv që i shërben interesit qytetar dhe të ardhmes euro-atlantike të shtetit tonë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet