Zëvendëskryeministri i parë i Kosovës, Besnik Bislimi, nëpërmjet një postimi në platformën sociale, X, ka konfirmuar se Kosova e ka pranuar ftesën e dërguar nga Bashkimi Evropian për një takim trelateral në kuadër të dialogut në mes të Kosovës dhe Serbisë – takim ky i cili është paraparë të mbahet më 17 shtator.
“Për takimin e radhës të procesit të dialogut në Bruksel më 17 shtator, Kosova ka pranuar takimin trilateral sipas agjendës së caktuar nga ndërmjetësuesi”, shkroi ai fillimisht.
Disa media në Serbi, si agjencia e lajmeve serbe, Tanjug e Radio Televizioni i Serbisë, RTS, pretenduan të premten se Kosova ka refuzuar të ketë një takim trelateral në mes të kryenegociatorit të Kosovës, Besnik Bislimit, kryenegociatorit të palës serbe, Petar Petkoviç-it e ndërmjetësuesit të bisedimeve, Miroslav Lajçak-ut.
Megjithatë një gjë të tillë e ka mohuar në mënyrë kategorike Bislimi, duke potencuar se Serbia është ajo që refuzoi një takim të tillë “duke u përpjekur të imponojë pika e rendit të ditës të destinuara kryesisht për konsum të brendshëm politik”.
“Ftoj Lajçak-un të mohojë dezinformimin e qëllimshëm të mediave serbe, ku thuhet në mënyrë të rreme se Kosova ka refuzuar takimin trepalësh të kryenegociatorëve”, shtoi ai.
Mediat serbe: Dialogu në nivel të kryenegociatorëve mbahet të martën
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Haxhiu garanton: Asnjë ministër s’krijoi pasuri duke e mbajtur këtë pozitë, qytetarët e dinë
-
Haxhiu njëherë thotë se ura s’është për dialog, pastaj pranon se Bislimi diskutoi në Bruksel për urën
-
Autogoli i Agim Ademit në minutën e 90-të
-
NATO edhe pas takimit me Bislimin konfirmon se do ta vazhdojë prezencën në urën mbi Ibër