Bimët e egra, drejt zhdukjes nga ndryshimet klimatike

Bimët e egra, si patatet, avokado dhe vanilja, janë nën kërcënimin e zhdukjes. Kjo, për shkak të ndryshimeve klimatike.

Sipas studiuesve, vanilja, një orkide vendase në Amerikën Jugore dhe Qendrore, po përballet me rrezikun më të lartë të zhdukjes.

Pambuku i egër është i dyti më i kërcënuar me 92 për qind të specieve në rrezik zhdukjeje, sipas studimit.

Tre në pesë lloje të avokados janë në rrezik, ndërsa 23 për qind e specieve të patates së egër po përballen me zhdukjen.

Këto bimë kanë qenë të rëndësishme për njerëzimin që në fillesat e tij, rreth dhjetë mijë vjet më parë.

Llojet e fasuleve të egra, kungujve, specit djegës dhe lëvozhgës së domates u shfaqën gjithashtu në studimin e botuar në revistat “Plants”, “Planet”, i cili zbuloi se 35% e të gjitha llojeve të studiuara kërcënohen me zhdukje, kryesisht për shkak të bujqësisë dhe përdorimit të pesticideve.

Rendimentet e të korrave në të gjithë botën parashikohen të ulen me rritjen e temperaturave mesatare, duke kërcënuar sigurinë e ushqimit, ndërsa popullsia njerëzore po afrohet 10 miliardë.

Barbara Goettsch, autore kryesore e hulumtimit, tha se, nëse kriza klimatike pengon rendimentet dhe bimët e egra, ushqimet si avokado dhe vanilja “janë në rrezik zhdukjeje”.

“Kripa që ka toka po ndryshon dhe këto bimë nuk kanë aftësinë për t’u përshtatur. Temperaturat po rriten. Për shkak të ndryshimit të klimës, përhapja e sëmundjeve gjithashtu do të ndryshojë. Kjo mund të ketë një ndikim masiv te bimët e kultivuara. Mund të kemi mungesa të këtyre ushqimeve”, shprehet ajo.

Goettsch tha se: “Uria që po shohim në Madagaskar për momentin është sepse nuk ka rënë shi. Thatësira që shohim, paraqet kërcënim për të gjithë njerëzit”.

Madagaskari po përballet me thatësirën më të keqe në 40 vitet e fundit, me më shumë se 1 milion njerëz që përjetojnë mungesa ushqimi, për shkak reshjeve të pakta gjatë sezoneve të mbjelljes.

Banane, mollë, kumbulla të thata dhe xhenxhefil janë gjithashtu në listën e kuqe të kërcënuar.

Marrë dhe përshtatur nga “The Guardian”, për Albanian Post

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.