Billie Eilish mohon ta ketë pasur fjalën për Taylor Swif-in kur ka folur mbi artistët që publikojnë versione të shumta të albumeve

Këngëtarja Billie Eilish u ka thënë fansave të Taylor Swift që të qetësohen pasi ata s’e kursyen zemërimin e tyre ndaj saj për një intervistë në të cilën ajo kritikoi publikimin e albumeve me versione të shumta.

Eilish foli kundër praktikës tashmë të zakonshme në një intervistë me Billboard që u publikua së fundmi, transmeton AlbanianPost.

Megjithatë, vëzhguesit në mediat sociale filluan të spekulojnë se komenti i saj mund të ketë qenë një deklaratë e fshehtë për Taylor Swift, e cila është famëkeqe jo vetëm për publikimin e versioneve të riregjistruara të albumeve të saj të hershme, por edhe për nxjerrjen e disa versioneve fizike dhe dixhitale të të gjithave albumeve të saj të reja.

Eilish, 22-vjeçe sqaroi se ajo nuk po veçonte asnjë artist, duke përfshirë edhe krijuesen e “Eras Tour”, 34 vjeçe, megjithëse nuk renditi asnjë artist me emër.

Sqarimi i saj nuk erdhi mjaft shpejt për disa nga fansat e Taylor, pasi ata goditën Billie në X (ish Twitter) dhe madje mburreshin për shitjet më të larta të Swift në krahasim me shitjet e albumeve të saj.

Billie u përpoq t’i sqaronte gjërat duke postuar një deklaratë të thjeshtë në Instagram, duke etiketuar gjithashtu intervistën e saj origjinale në Billboard, në mënyrë që fansat të konfirmonin se ajo nuk e kishte veçuar Taylor-in apo ndonjë interpretues tjetër.

“Në rregull, kështu që do të ishte kaq fantastike nëse njerëzit do të ndalonin të fusnin fjalë në gojën time dhe do të lexonin në fakt atë që thashë në atë artikull të Billboard”, i cili ishte fokusuar në përpjekjet e saj për ta bërë jetën e saj profesionale më të qëndrueshme ekologjikisht.

“Unë nuk po veçoja askënd, këto janë çështje sistemike të gjithë industrisë”, shpjegoi ajo.

Billie madje pranoi se ishte fajtore për publikimin e varianteve për të inkurajuar fansat të blinin të njëjtin album disa herë, megjithëse nuk ishte e qartë nëse ajo i merrte ato vendime ose nëse shtëpia e saj diskografike mbetet fjala e fundit mbi publikimet.

“Dhe kur bëhet fjalë për variantet, kaq shumë artistë i lëshojnë ato – duke përfshirë edhe mua, të cilën e deklaroj qartë në artikull”, tha ajo.

Në intervistën e saj në Billboard në lidhje me përpjekjet e saj për qëndrueshmëri, Eilish vuri në dukje se “disa nga artistët më të mëdhenj në botë prodhojnë 40 pako të ndryshme vinyl që kanë një gjë të ndryshme unike vetëm për të bërë audiencën të blejë më shumë kopje”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.