Gazeta gjermane, “Bild” e ka quajtur skandaloz vendimin e revistës “France Football” për t’ia dhënë Lionel Messi-t Topin e Artë për vitin 2021.
Prestigjiozja gjermane ka shkruar një artikull, duke këmbëngulur se më meritori për tu shpallur futbollisti më i mirë i vitit 2021, ishte sulmuesi i Bayern Munich, Robert Lewandowski.
“Kjo është skandaloze. Lewandowski-n e plaçkitën, Messi fitoi për herë të shtatë. Urime”, shkruan “Bild”.
“Në vitin 2021, Lewandowski e vendosi një rekord të ri të golave në Bundesligë me 41 gola dhe u bë përsëri kampion. Këtë vit, ai është golashënuesi më i mirë në Ligën e Kampionëve me nëntë gola dhe në Bundesligë me 14, por as kjo nuk mjaftoi për të fituar çmimin”, shkroi tutje “Bild”.
Messi e fitoi Topin e Artë për herë të shtatë në karrierën e tij, duke lënë prapa ndjekësin më të afërt, Cristiano Ronaldo-n me pesë sosh.
Ndërsa në vendin e dytë u rendit Lewandowski me 33 pikë më pak se argjentinasi, duke lënë prapa Jorginho-n, Benzema-n e Kante-n.
Messi këtë vit ka shënuar 47 gola dhe ka dhuruar 14 asistime, duke fituar Kupën e Mbretit me Barcelonën dhe Kupën e Amerikës së Jugut me Argjentinën.
Ndërsa, sa i përket sezonit 2021/22, argjentinasi nuk e ka nisur edhe aq mirë me skuadrën e tij, Paris Saint Germain, pasi që ka shënuar katër gola dhe ka dhuruar tre asistime në 11 ndeshje në të gjitha garat, shifra këto që nuk jemi mësuar t’i shohim nga “pleshti”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” në Këshillin e Evropës
