![](https://albanianpost.com/wp-content/uploads/2022/09/Screenshot-2022-09-06-075206.png)
Presidenti i Shteteve të Bashkuara, Joe Biden, deklaroi të hënën se ai nuk e mbështet njohjen e Rusisë si një shtet sponsorizues i terrorizmit.
Lajmi është raportuar nga agjencia “Reuters”.
I pyetur nëse Rusia duhet të njihet si një sponsor shtetëror i terrorizmit, Biden u tha shkurtimisht gazetarëve në Shtëpinë e Bardhë: “Jo”.
Në fund të korrikut, Senati Amerikan miratoi njëzëri një rezolutë që i bën thirrje Sekretarit të Shtetit Anthony Blinken që të shpallë Rusinë një sponsor shtetëror të terrorizmit për veprimet e saj në Çeçeni, Gjeorgji, Siri dhe Ukrainë.
Pas miratimit në Senat, një projekt-ligj i ngjashëm u dorëzua në Dhomën e Përfaqësuesve nga një grup kongresmenësh nga partitë Demokratike dhe Republikane.
Departamenti Amerikan i Shtetit është përgjegjës për përcaktimin e vendeve si shtete sponsorizuese të terrorizmit.
Megjithatë, pavarësisht presionit të Kongresit dhe apeleve të Ukrainës, Departamenti i Shtetit ende nuk e ka ndërmarrë këtë hap.
Rusia ka kërcënuar Shtetet e Bashkuara me ndërprerje të marrëdhënieve diplomatike nëse njihet si shtet terrorist.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist
-
Mexhiti: Po punojmë çdo ditë që ish ushtari i UÇK-së të lirohet
-
Samiti i CIA-Mosad-Katar-Egjipt për Gazën mbahet të dielën në Romë