Presidenti Joe Biden po fliste në Samitin Kombëtar të Komuniteteve më të Sigurta në Konektikat, duke bërë thirrje për ligje më të ashpra për kontrollin e armëve kur ai në dukje ngatërroi audiencën duke e mbyllur fjalimin e tij me frazën “Zot Ruaje Mbretëreshën”.
Videot e perifrazimit të pazakontë të presidentit filluan të qarkullojnë shpejt në internet, me përdoruesit e mediave sociale që pyesnin se çfarë donte të thoshte.
Zëvendës-sekretarja kryesore e shtypit e Shtëpisë së Bardhë, Olivia Dalton, më vonë iu përgjigj gazetarëve duke thënë se presidenti “po i komentonte dikujt në turmë”, por nuk dha kontekst të mëtejshëm.
Formulimi mund të duket edhe më i papërputhshëm pasi tani është mbreti Charles III ai që mbretëron në Angli, dhe jo më një mbretëreshë. Në funeralin e Elizabeth II kishte shkuar edhe presidenti amerikan.
Gabimet me të cilat Joe Biden është mësuar prej vitesh, vërehen sistematikisht nga kundërshtarët e tij më të ashpër republikanë, të cilët duan t’i shohin ato si një shenjë të aftësive mendore të cenuara.
Këtyre sulmeve presidenti amerikan u përgjigjet me humor. Ai nënvizon gjithashtu “urtësinë” e fituar gjatë jetës së tij të gjatë politike, si dhe sukseset e tij politike dhe diplomatike.
Në sondazhe, shumica e votuesve besojnë se Joe Biden, kandidati presidencial i vitit 2024, është shumë i vjetër për të kandiduar përsëri.
Demokrati do të ishte 86 vjeç në fund të një mandati të dytë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Kur u bëra meme ishte poshtëruese dhe lënduese – Dua Lipa shfaq çdo anë të saj pa dorashka për The Guardian
-
Ahmeti: Pushka pas lufte dhe fjala pas Kuvendit s’kanë vlerë, vendit i duhet stabilitet
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Qeveria po e trajton si armike shtresën e mesme, sipas Bashës
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste