Presidenti amerikan Joe Biden u dërgoi komiteteve përkatëse të Kongresit të Shteteve letra me raporte për gatishmërinë e Suedisë dhe Finlandës për t’u anëtarësuar në NATO.

Lajmi u bë i ditur nga faqja e internetit të Shtëpisë së Bardhë.

“Unë paraqes një raport mbi anëtarësimin e Mbretërisë së Suedisë në Organizatën e Traktatit të Atlantikut të Veriut, përgatitur në përputhje me seksionin 3(2)(E)(ii) të Rezolutës që rekomandon dhe jep pëlqimin për ratifikimin e Protokolleve i Organizatës së Traktatit të Atlantikut të Veriut të vitit 1949 për pranimin e Polonisë, Hungarisë dhe Republikës Çeke, të datës 30 prill 1998”, shkruhet në raport.

Një tjetër letër me përmbajtje të ngjashme ka të bëjë me pranimin e Finlandës në NATO.

Në maj, Finlanda dhe Suedia aplikuan zyrtarisht për anëtarësim në NATO.

Ata shpresonin se do të ishte një proces i shpejtë, por Turqia, një anëtare e vjetër e Aleancës, ka kundërshtuar anëtarësimin e Suedisë dhe Finlandës me arsyetimin se ata mbështesin grupet, të cilat ajo i konsideron terroriste.

Në këtë drejtim, NATO po thërret një takim të diplomatëve nga Turqia, Suedia dhe Finlanda.