I frikësuar prej mbledhjes së Kryesisë së Partisë Demokratike nga ana e kryetarit Lulzim Basha dhe për t’i paraprirë kësaj ngjarjeje brenda selisë blu, lideri historik i kësaj force politike, Sali Berisha, ka folur në një intervistë për televizionin Klan.
Ai ka deklaruar se kryesia e kësaj partie është tërësisht ilegjitime dhe se gjithçka pret, është mbledhja e Kuvendit Kombëtar të PD-së.
Vetëm pak minuta përpara mbledhjes së Kryesisë së demokratëve nga kreu i tyre aktual, Berisha ka dhënë opinionin e tij, duke thënë se vetëm 40% e anëtarëve janë zgjedhur me votim të fshehtë.
Më saktësisht, sipas tij, 16 prej anëtarëve të kryesisë demokrate janë zgjedhur me votë të fshehtë dhe 22 prej tyre janë caktuar nga vetë kryedemokrati Basha.
“E ashtuquajtura kryesi është absolutisht jolegjitime. Është ‘fake’”, theksoi Berisha. “Gjithçka unë pres, është mbledhja e Kuvendit Kombëtar”.
Po ashtu, ditën e sotme, ish-kryeministri Berisha ka zhvilluar një takim me disa anëtarë të Kryesisë, të cilët janë pro tij mbi vendimin e mbledhjes së Kuvendit Kombëtar.
Sipas burimeve nga Albanian Post, bëhet fjalë për Belind Këlliçin, Edi Palokën, Albana Vokshin, Gent Strazimirin, Aldo Bumçin dhe Flamur Nokën.
Këto lëvizje të Berishës vijnë pikërisht pas dorëzimit të 4 mijë e 200 firmave të pretenduara prej tij, si procedurë e kërkesës së delegatëve për mbledhjen e Kuvendit Kombëtar.
Qëllimi i kësaj thirrjeje, është fillimisht bërja nul e vendimit të Bashës, për sa i përket përjashtimit të tij. Më pas, ai ka thënë se do të kërkojë të rikthehet në krye të PD-së dhe, në krye të shtetit, si kryeministër.
Mbledhja e Kryesisë
Lulzim Basha ka lajmëruar që një ditë më parë mbledhjen e Kryesisë së demokratëve.
Në rend ditë do të jetë situata politike e kësaj partie.
Sekretari i Përgjithshëm i partisë, Gazment Bardhi, në mesazhin e tij ka paralajmëruar marrjen e masave për të mbrojtur interesin e Partisë Demokratike dhe funksionimin demokratik të organeve të saj.
“Diskutime dhe vendimmarrje mbi situatën politike, si dhe marrjen e masave për të mbrojtur interesin e Partisë Demokratike dhe funksionimin demokratik të organeve të saj”, shkruhet aty.
Mbledhja do të zhvillohet në sallën e mbledhjeve të Grupit, Kati i II, Selia Qendrore e PDSH.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve