Ish-kryetari i Partisë Demokratike, Sali Berisha të mërkurën e 1 dhjetorit u rikthye në Tropojë pas shumë kohësh, ku po zhvillon foltoren e radhës.
Berisha në takimin e zhvilluar me demokratët theksoi se prej dy ditësh kryetari i PD-së, Lulzim Basha bashkë me një grup zyrtarësh po përpiqet që të mbledhë firma duke ofruar poste drejtorësh dhe zëvendësministrash në kabinetin e kryeminsitrit Edi Rama.
“Dy ditët e fundit peng kryetari me një grusht vasalësh po përpiqet të mbledhë firma duke ofruar poste drejtorash dhe zëvendësministrash në kabinetin e Edi Ramës”.
Ai u shpreh se PD duhet të shndërrohet në një opozitë të vërtetë, ndërsa shtoi se Basha në këto 8 vite e defaktorizoi Partinë Demokratike.
“Detyra jonë është që këtë narko-shtet ta përmbysim njësoj si përmbytëm diktaturën komuniste”.
Sa i përket kësaj marrëveshje, Berisha u shpreh se “të dyja qeveritë kanë gënjyer si në Kosovë dhe Shqipëri, sepse abetarja është njësuar që në vitin 2012 dhe në kohën kur Partia Socialiste erdhi në pushtet, Rama e sulmoi si njeri injorant”.
Nga Malësia e Gjakovës, ish-kryetari i PD-së, i përcolli një mesazh të drejtpërdrejt Presidentit të Serbisë Aleksandar Vučić, të cilin e quajti mik të kryeministrit shqiptar, Edi Ramës.
Ai tha se “pasardhësi i Millosheviçit nuk do të guxojë kurrë të prekë më Kosovën”.
“Edi Rama njëlloj si Enver Hoxha në 45-46, i marrë peng si argat i Beogradit, po bën gjithçka për ta vënë Shqipërinë nën dominimin Serbisë, me një projekt serbo-rus. Në takimet që bën lëshon rrufe drejt udhëheqjes politike të Kosovës. Në 8 vite Shqipëria nuk ka bindur një vend të vetëm që të njohë Kosovën, por është përpjekur me çdo kusht që të mbështesë akuzat e Serbisë”.
Berisha ishte i shoqëruar nga deputeti i PD-së Isuf Çela, ish-kryetari i bashkisë, Besnik Dushaj.
Dueli Basha-Berisha
Me foltoret e shumta të mbledhura në mënyrë të njëpasnjëshme, Berisha mblodhi edhe firma, me të cilat ai pretendon të mbledhë Kuvendin Kombëtar më 11 dhjetor. Përkatësisht, sipas tij, janë 4 mijë e 200 firma.
Nga ana tjetër, Basha, e rezervoi fillimisht gjuhën e tij ndaj Berishës. Por, me shtimin e foltoreve dhe retorikës së ashpër të Berishës, edhe Basha filloi të ndryshonte qëndrim.
Ai nisi akuza të shumta ndaj ish-kryedemokratit. Çasti kulminant sakaq, erdhi kur Basha, me anë të mbledhjes së Kryesisë, shpalli një datë të re të Kuvendit Kombëtar, më 18 dhjetor.
Këtë datë, Basha e quan legjitime.
Por, të dy palët, pretendojnë se kuvendet do të mblidhen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë