Benfica është “makthi” i Juventus-it në Evropë

Juventus do të përballet me Benfica-n në ndeshjen e dytë të fazës së grupeve në UEFA Champions League. Italainët u mundën 2-1 nga PSG në ndeshjen e parë dhe kërkojnë pikët e para për këtë sezon.

Nga ana tjetër, skuadra portugeze fitoi në ndeshjen e parë, 2-0, ndaj izraeliteve të Maccabi Haifa-s.

Si ka qenë historiku i përballjeve mes dy skuadrave?

Juventus-i ka fituar vetëm një nga gjashtë ndeshjet e tyre me Benfica-n në kompeticionet evropiane (1B, 4H). Një sukses 3-0 në çerekfinalet e Kupës UEFA 1992/93.

Zonja e Vjetër humbi të dyja ndeshjet e mëparshme me Benfica-n në Kupën Evropiane / Champions League, dy humbje në gjysmëfinalet e 1967/68.

Takimi i fundit mes Juventus-it dhe Benfica-s në një kompeticion evropian daton në gjysmëfinalen e UEFA Europa League 2013/14, ku portugezët fituan 2-1, në përgjithësi (2-1 në shtëpi dhe 0-0 jashtë).

Juventus-i ka humbur vetëm një nga nëntë ndeshjet në shtëpi kundër skuadrave portugeze në kompeticionet evropiane (7F, 1B).

Megjithëse humbja erdhi pikërisht kundër Benfica-s (0-1 në maj 1968). Bardhezinjtë janë të pamposhtur në shtatë ndeshjet e fundit, me gjashtë fitore (1B), duke përfshirë të fundit kundër Porto-s në Champions League 2020/21 (3-2).

Në të gjitha kompeticionet, Benfica është mposhtur në 10 nga 12 ndeshjet e fundit jashtë fushe kundër skuadrave italiane (1F, 1B). Fitorja e tyre e vetme në këtë seri erdhi kundër Fiorentina-s në Kupën e Fituesve të Kupave 1996/97.

Portugezët kanë humbur të tria ndeshjet jashtë fushe në Itali të luajtura në Champions League.

Juventus-i ka humbur dy ndeshjet e fundit të Champions. Vetëm një herë në historinë e Kupës Evropiane/LigëChampions kanë pësuar tre humbje radhazi, midis majit 1968 dhe shtatorit 1972.

Juventus-i humbi ndeshjen e parë të fazës së grupeve kundër Paris Saint-Germain. Është vetëm hera e dytë që skuadra e Juventus-it e nis një sezon në Champions League me një humbje (tjetra në 2017/18).

Deri më tani, bardhezinjtë nuk i kanë humbur asnjëherë të dyja ndeshjet e para të grupit në kompeticion.

Pas një fitoreje 2-0 kundër Maccabi Haifa në ndeshjen e parë, Benfica synon të fitojë dy ndeshje radhazi në Champions për herë të parë që nga nëntori 2016. Për më tepër, vetëm në 2015/16 i fitoi dy ndeshjet e para të sezonit në këtë turne.

Weston McKennie shënoi në humbjen 2-1 të Juventus-it ndaj Paris Saint-Germain. Ai mund të bëhej vetëm lojtari i tretë amerikan që shënon në dy ndeshje radhazi të Champions League, pas Fabian Johnson (nëntor 2015) dhe Christian Pulisic (mars 2022).

Alejandro Grimaldo i Benfica-s ka marrë pjesë aktive në katër gola në katër ndeshjet e fundit në Champions (një gol, tre asistime). Më shumë se në 27 paraqitjet e tij të para në kompeticion (dy gola, një asistim).

Spanjolli ka dhënë më shumë asistime në Champions League se çdo lojtar tjetër i Benfica-s që nga fillimi i sezonit të kaluar (katër).

Filip Kostic ka qenë i përfshirë drejtpërdrejt në pesë gola në pesë paraqitjet e tij të fundit në garat kryesore evropiane (dy gola, tre asistime), duke përfshirë asistimin për McKennie në debutimin e tij në Champions.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.