Begaj thotë se Shqipëria mbështet plotësisht propozimin e Zelenskyt, në Samitin e Paqes për Ukrainën

Presidenti i Republikës së Shqipërisë, Bajram Begaj, në Samitin e Zvicrës për Ukrainën, theksoi nevojën e menjëhershme për gjetjen e një rruge drejt paqes, për të ndalur tragjedinë njerëzore të shkaktuar nga agresioni rus, si dhe të frenojë konfliktin qe kërcënon Evropën e më gjerë.

Gjatë fjalës së tij para liderëve botërorë të mbledhur në qytetin Burgenstok të Zvicrës, Presidenti i Shqipërisë deklaroi: “Sfida jonë është monumentale. Të zhvillojmë një kuadër për një marrëveshje të ardhshme paqeje”.

Ndërsa bëri thirrje për solidaritet ndërkombëtar me Ukrainën si viktimë e agresionit rus, kreu i shtetit deklaroi se “Shqipëria e konsideron formulën e paqes së Presidentit Zelensky si mënyrën për të rikthyer një paqe të drejtë dhe të qëndrueshme për Ukrainën”.

Today’s summit marks a remarcable step from conflict to peace.

The devastation in Ukraine underscores the urgent need for peace as an immediate imperative.

Albania stands firmly for Ukraine’s territorial integrity and supports President @ZelenskyyUa peace formula.

Let’s… pic.twitter.com/3JrUvV1dgX

— Bajram Begaj (@BajramBegajAL) June 16, 2024

“Çdo proces paqeje duhet të drejtohet nga Ukraina”, deklaroi Begaj, teksa konfirmoi vijimësinë e mbështetjes për Ukrainën derisa të arrihet paqja, në përputhje me Kartën e OKB-së, duke respektuar sovranitetin dhe integritetin territorial të Ukrainës, si dhe duke nënvizuar faktin që Rusia duhet te mbajë përgjegjësinë për veprimet e saj.

Bashkëjetesa paqësore brenda kufijve të njohur ndërkombëtarisht është cilësuar si jetike nga ai në fjalën e mbajtur.

‘Kushtet e paqes’ të Putinit hidhen poshtë në samitin e Ukrainës

“Rruga drejt paqes nuk duhet të jetë kurrë një rrugë dorëzimi. Ajo duhet të jetë një rrugë e ndërtuar me guximin për të mbajtur lart vlerat tona”, theksoi Begaj, i cili ftoi liderët botërorë të ndërmarrin masat qe i përgjigjen rëndësisë se këtij momenti, duke rikonfirmuar qëndrimin që “Rusia duhet të kuptojë pasojat serioze të veprimeve të saj”.

Bashkësia ndërkombëtare, sipas tij, krahas përpjekjeve për paqen, duhet të sigurojë që mbështetja për Ukrainën të vazhdojë.

Begaj i kërkon homologes moldave të njohë Kosovën sa më parë

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.